ആഗോള ആരോഗ്യ പ്രതിസന്ധിയെ നേരിടാന് രാജ്യങ്ങള്ക്ക് കൊവിഡ് ഡോസുകള് നല്കാനുള്ള ഇന്ത്യയുടെ നീക്കം; പ്രശംസിച്ച് യുഎന് സെക്രട്ടറി ജനറല് അന്റോണിയോ ഗുട്ടറസ്
കൊറോണ വ്യാപനത്തെ തുടർന്നുള്ള ആഗോള ആരോഗ്യ പ്രതിസന്ധിയെ നേരിടാന് രാജ്യങ്ങള്ക്ക് കൊവിഡ് ഡോസുകള് നല്കാനുള്ള ഇന്ത്യയുടെ നീക്കത്തെ പ്രശംസിച്ച് യുഎന് സെക്രട്ടറി ജനറല് അന്റോണിയോ ഗുട്ടറസ് രംഗത്ത്. ഇന്ത്യയുടെ വാക്സിന് ഉത്പാദന ശേഷി ലോകത്തിലെ ഏറ്റവും മികച്ച ആസ്തിയാണെന്നും അദ്ദേഹം വ്യക്തമാക്കുകയും ചെയ്തു. ആദ്യ ഡോസ് കൊവിഡ് വാക്സിന് സ്വീകരിച്ച ശേഷമായിരുന്നു അന്റോണിയോ ഗുട്ടറസിന്റെ ഇത്തരത്തിൽ പ്രതികരിച്ചിരിക്കുന്നത്.
അതോടൊപ്പം തന്നെ ആഗോള പ്രതിരോധ കുത്തിവയ്പ്പ് സാധ്യമാകുമെന്ന് ഉറപ്പുവരുത്തുന്നതില് പ്രധാന പങ്ക് വഹിക്കാന് ആവശ്യമായ എല്ലാ ഉപകരണങ്ങളും ഇന്ത്യയിലുണ്ടെന്നത് ആശ്വാസകരവും പ്രത്യാശ നല്കുന്നതാണെന്നും യുഎന് സെക്രട്ടറി ജനറല് വ്യക്തമാക്കുകയുണ്ടായി. അതേസമയം 'വാക്സിന് മൈത്രി' ഡ്രൈവില് ഇന്ത്യ ഒന്നാം ഘട്ടത്തില് ഇതിനോടകം തന്നെ ഒമ്പത് രാജ്യങ്ങളിലേക്ക് 6 ദശലക്ഷം ഡോസുകള് വിമാനം കയറ്റി അയച്ചുവെന്ന് പി.ടി.ഐയും റിപ്പോര്ട്ട് ചെയ്തിട്ടുണ്ട്. മറ്റു രാജ്യങ്ങൾക്ക് മുന്നിൽ അഭിമാന നേട്ടമാണ് ഇന്ത്യ കൈവരിച്ചിരിക്കുന്നത് എന്നത് ശ്രദ്ധേയം.
https://www.facebook.com/Malayalivartha