ഡാനിഷ് താലിബാനുമായി സഹകരിച്ചില്ല; ഇന്ത്യൻ മാധ്യമപ്രവർത്തകന്റെ കൊലപാതകത്തിൽ വെളിപ്പെടുത്തലുമായി താലിബാന് വക്താവ്
അഫ്ഗാനിസ്ഥാനില് കൊല്ലപ്പെട്ട ഇന്ത്യന് മാധ്യമപ്രവര്ത്തകന് ഡാനിഷ് സിദ്ദീഖിയുടെ മരണവുമായി ബന്ധപ്പെട്ട വെളിപ്പെടുത്തലുമായി താലിബാന് വക്താവ്. താലിബാനുമായി സഹകരിക്കാത്തതിനെ തുടര്ന്നാണ് റോയിട്ടേഴ്സ് വാര്ത്താ ഏജന്സിയുടെ ചീഫ് ഫൊട്ടോഗ്രഫറുമായിരുന്ന ഡാനിഷ് സിദ്ദീഖി വെടിവയ്പില് കൊല്ലപ്പെട്ടതെന്ന് എന്ഡിടിവിക്ക് നല്കിയ അഭിമുഖത്തില് താലിബാന് വക്താവ് മുഹമ്മദ് സൊഹൈല് ഷഹീന് പറഞ്ഞു.
ഡാനിഷ് സിദ്ദീഖിയെ കൊലപ്പെടുത്തിയെന്ന് പറയാന് കഴിയില്ലെന്നും ഡാനിഷ് തങ്ങളുമായി സഹകരിച്ചില്ലെന്നും ഷഹീന് പറഞ്ഞു. തങ്ങളുടെ സ്ഥലത്ത് വരുമ്ബോള് താലിബാനുമായി ഏകോപനം നടത്താന് മാധ്യമ പ്രവര്ത്തകര്ക്ക് പലതവണ മുന്നറിയിപ്പ് നല്കിയിരുന്നതായും ഷഹീന് വിശദമാക്കി. അതേസമയം, ഡാനിഷ് കാബൂളിലെ സുരക്ഷാ സേനയുമായാണ് ഏകോപനം നടത്തിയത്. അവരുമായി നടത്തിയ ക്രോസ്ഫയറിങ്ങിലാണ് ഡാനിഷ് കൊല്ലപ്പെട്ടതെന്നും ആരുടെ വെടിയേറ്റാണ് മരിച്ചതെന്ന് കൃത്യമായി പറയാന് കഴിയില്ലെന്നും മുഹമ്മദ് ഷഹീന് പറഞ്ഞു.
https://www.facebook.com/Malayalivartha
