ആയുധങ്ങളുമായി താലിബാന് ഭീകരര് പാര്ലമെന്റില്; ദൃശ്യങ്ങള് ഉച്ചയോടെ പുറത്തായി
അഫ്ഗാനിലെ പാര്ലമെന്റും കയ്യടക്കി താലിബാന് ഭീകരര്. ആയുധങ്ങളുമായി പാര്ലമെന്റില് പ്രവേശിച്ച ഭീകരരുടെ ദൃശ്യങ്ങള് താലിബാന് പുറത്തുവിട്ടു. ഉച്ചയോടെയാണ് ഇതിന്റെ ദൃശ്യങ്ങള് അന്താരാഷ്ട്ര മാദ്ധ്യമങ്ങളില് പ്രചരിക്കാന് ആരംഭിച്ചത്.
ഇന്നലെ അഫ്ഗാന് പ്രസിഡന്റിന്റെ ഔദ്യോഗിക വസതി താലിബാന് കൈവശപ്പെടുത്തിയിരുന്നു. ഇതിന് പിന്നാലെയാണ് പാര്ലമെന്റില് പ്രവേശിച്ചിരിക്കുന്നത്. ജനാധിപത്യ സംവിധാനത്തിന്റെ അവിഭാജ്യ ഘടകമായാണ് പാര്ലമെന്റിനെ കണക്കാക്കുന്നത്. ഇതു കയ്യടക്കിയതോടെ ജനാധിപത്യത്തെ താലിബാന് പൂര്ണമായും അട്ടിമറിച്ചിരിക്കുകയാണ്.
പ്രസിഡന്റിന്റെ ഔദ്യോഗിക വസതി പിടിച്ചെടുത്ത താലിബാന് നിലവില് യുദ്ധം അവസാനിപ്പിച്ചിരിക്കുകയാണ്. ഭീകര നേതാവായ മുല്ല അബ്ദുള് ഗാനി ബരാദറിനെ അഫ്ഗാന്റെ പുതിയ പ്രസിഡന്റ് ആക്കാനാണ് താലിബാന് നീക്കം.
അതേസമയം താലിബാനെ ഭയന്നുള്ള ആളുകളുടെ പലായനം തുടരുകയാണ്. താലിബാന് കാബൂള് പിടിച്ചടക്കിയതിന് പിന്നാലെ വന് തിരക്കാണ് വിമാനത്താവളങ്ങളില് നേരിടുന്നത്. തിരക്കൊഴിവാക്കാന് അമേരിക്കന് സൈന്യം നടത്തിയ വെടിവെയ്പ്പില് അഞ്ച് പേര് കൊല്ലപ്പെട്ടു.
https://www.facebook.com/Malayalivartha
