താലിബാന് കനത്ത തിരിച്ചടി നല്കി ഫേസ്ബുക്ക്! താലിബാനെ അനുകൂലിക്കുന്ന എല്ലാ ഫേസ്ബുക്ക് അക്കൗണ്ടുകളും പേജുകളും ഉടൻ മരവിപ്പിക്കും; അക്കൗണ്ടുകള് കണ്ടെത്തുന്നതിന് പ്രത്യേക സംഘം
താലിബാന് കനത്ത തിരിച്ചടി നല്കി ഫേസ്ബുക്ക്. താലിബാനും താലിബാന് അനുകൂല പോസ്റ്റുകള്ക്കും ഫെയ്സ്ബുക്ക് വിലക്കേര്പ്പെടുത്തി. താലിബാനെ ഭീകരസംഘടനകളുടെ പട്ടികയില് ഉള്പ്പെടുത്തിയാണ് വിലക്കേര്പ്പെടുത്തുന്നതെന്ന് ഫെയ്സ്ബുക്ക് വ്യക്തമാക്കി. താലിബാനെ അനുകൂലിക്കുന്ന എല്ലാ ഫേസ്ബുക്ക് അക്കൗണ്ടുകളും പേജുകളും ഉടനടി മരവിപ്പിക്കാനാണ് തീരുമാനിച്ചിരിക്കുന്നത്.
താലിബാന് തങ്ങളുടെ ആശയങ്ങള് പ്രചരിപ്പിക്കാനും തീവ്രവാദ സംഘടനയിലേക്ക് പുതിയ ആള്ക്കാരെ ആകര്ഷിക്കുന്നതിനു വേണ്ടിയും ഏറ്റവും അധികം ഉപയോഗിച്ചിരുന്നത് ഫെയ്സ്ബുക്ക് മാധ്യമങ്ങളെ ആയിരുന്നു.
താലിബാനെ എതെങ്കിലും വിധത്തില് അനുകൂലിക്കുന്നവരുടെ അക്കൗണ്ടുകളും ഉടനെ നീക്കം ചെയ്യുമെന്ന് ഫേസ്ബുക്ക് പ്രതിനിധി ബിബിസിക്കു നല്കിയ അഭിമുഖത്തിലായിരുന്നു പറഞ്ഞത്. ഇത്തരം അക്കൗണ്ടുകള് കണ്ടെത്തുന്നതിനു വേണ്ടി ഒരു പ്രത്യേക സംഘത്തെ തന്നെ നിയോഗിച്ചതായി ഫേസ്ബുക്ക് പ്രതിനിധി വ്യക്തമാക്കിയിരിക്കുകയാണ്.
എന്നാല് താലിബാന് അശയവിനിമയത്തിനായി ഫെയ്സ്ബുക്കിന്റെ മെസേജിങ് ആപ്പായ വാട്സ് ആപ്പ് ഉപയോഗിക്കുന്നത് തുടരുന്നതായാണ് റിപ്പോര്ട്ട്. ഇത് നീക്കം ചെയ്യുന്നതുള്പ്പെടെയുള്ള നടപടികള് ഉണ്ടാകുമെന്നും ഫെയ്സ്ബുക്ക് വക്താവ് അറിയിച്ചു. ട്വിറ്ററിലും ആയിരക്കണക്കിന് ഫോളോവേഴ്സ് ആണ് താലിബാനുള്ളത്. താലിബാന് അഫ്ഗാനില് ആധിപത്യം നേടിയതുമായി ബന്ധപ്പെട്ട് പതിനായിരക്കണക്കിന് ട്വീറ്റുകളാണ് ഉണ്ടായിരിക്കുന്നത്.
https://www.facebook.com/Malayalivartha
