പാകിസ്ഥാനില്‍ ബോംബ് സ്ഫോടനം. സെന്‍ട്രല്‍ പാകിസ്ഥാനില്‍ നടന്ന ഷിയാ മുസ്ലീം ഘോഷയാത്രയിലാണ് സ്ഫോടനം നടന്നത്. അപകടത്തില്‍ മൂന്ന് പേര്‍ മരണപ്പെട്ടു. 50 പേര്‍ക്ക് സ്ഫോടനത്തില്‍ പരിക്കേറ്റിട്ടുണ്ട്.

പുണ്യ മാസമായ മുഹറവുമായി ബന്ധപ്പെട്ട് നടന്ന ഘോഷയാത്ര നടക്കവെയാണ് അപകടം. അതേസമയം, ഷിയ മുസ്ലിങ്ങള്‍ കൂടിത്താമസിക്കുന്ന സ്ഥലത്ത് ആശുറയുമായി ബന്ധപ്പെട്ട് സുരക്ഷ കര്‍ശനമാകിയിരുന്നു. ഈ സുരക്ഷാ മുന്‍കരുതലൊക്കെ തകിടംമറിച്ചാണ് സ്ഫോടനമുണ്ടായത്. എന്നാല്‍ എങ്ങനെയാണ് സ്ഫോടനമുണ്ടായത് എന്നതിനെപ്പറ്റി വ്യക്തതയില്ല. സ്ഫോടനത്തിനു ശേഷം രക്തമൊലിപ്പിച്ചുകൊണ്ട് നിലത്തുകിടക്കുന്ന ആളുകളെ ദൃശ്യങ്ങള്‍ സമൂഹമാധ്യമങ്ങളില്‍ പ്രചരിക്കുന്നുണ്ട്.