ഞങ്ങളുടെ ജീവന് അപകടത്തിലായിരിക്കുകയാണ്! ലോകം കേള്ക്കുമെങ്കില് ദയവായി ഞങ്ങളെ രക്ഷിക്കൂ... പുറം ചട്ടയിൽ മാത്രം സ്ത്രീക്കും പുരുഷനും തുല്യത: അഫ്ഗാൻ ടെലിവിഷൻ അവതാരികയ്ക്ക് വിലക്കേർപ്പെടുത്തി താലിബാൻ; പ്രശസ്ത വാര്ത്ത അവതാരിക ദുരിതസ്ഥിതി വെളിപ്പെടുത്തിയത് സമൂഹമാധ്യമങ്ങളിലൂടെ
മിന്നൽ ആക്രമണത്തിലൂടെ അഫ്ഗാനിസ്ഥാൻ പിടിച്ചെടുത്ത താലിബാന്റെ വാദം ജനങ്ങൾക്ക് തുല്യ അവകാശം നൽകുമെന്നാണ്. എന്നാൽ പുറത്ത് വരുന്ന വാർത്തകളോ ഞെട്ടിക്കുന്നത്! കഴിഞ്ഞ ദിവസങ്ങളിൽ ഭീകരർ അഫ്ഗാനിസ്ഥാനിലെ ബ്യൂട്ടിപാർലറുകളും സ്ത്രീകളുടെ ചിത്രങ്ങളും നശിപ്പിക്കുന്ന വാർത്ത പുറത്തു വന്നിരുന്നു.
അഫ്ഗാൻ മാധ്യമപ്രവർത്തകർക്കും സ്വാതന്ത്യം നൽകുമെന്നും ഇവർ വ്യക്തമാക്കിയതാണ്... എന്നാൽ. അഫ്ഗാനിസ്ഥാനില് ടെലിവിഷന് അവതാരകയ്ക്ക് ജോലിയില് നിന്ന് വിലക്കേര്പ്പെടുത്തിയതായി പരാതി. പ്രശസ്ത വാര്ത്ത അവതാരിക ശബ്നം ദാവ്റാന് തന്റെ ദുരിതസ്ഥിതി സോഷ്യൽമീഡിയയിലൂടെയാണ് അറിയിച്ചത്.
താലിബാന് അഫ്ഗാന് ഭരണം ഏറ്റെടുത്തതിന് ശേഷം, ടിവി സ്റ്റേഷനില് ജോലിചെയ്യുന്നത് വിലക്കിയതായാണ് വീഡിയോ കളി[പ്പിലൂടെ അറിയിച്ചത്. സര്ക്കാര് ഉടമസ്ഥതയിലുള്ള ബ്രോഡ്കാസ്റ്റര് ആര്ടിഎയ്ക്കായി ആറ് വര്ഷത്തോളമായി ജോലി ചെയ്യുകയാണ് ദാവ്റാന്.
ഈ ആഴ്ച ഓഫീസിലെ പുരുഷ ഓഫീസര്മാര്ക്ക് പ്രവേശനം അനുവദിച്ചിരുന്നു എന്നാല് തന്നെ ഓഫീസില് പ്രവേശിക്കുന്നത് വിലക്കിയതായും ഓഫീസ് കാര്ഡ് കാണിച്ചിട്ടും അനുമതി ലഭിച്ചില്ലെന്നും ദാവ്റാല് പറഞ്ഞു. ഭരണം മാറിയതിനാല് ജോലിയില് തുടരാന് കഴിയില്ലെന്നാണ് ദാവ്റാനെ അറിയിച്ചത്.
ഞങ്ങളുടെ ജീവന് അപകടത്തിലായതിനാല് ലോകം കേള്ക്കുമെങ്കില് ദയവായി ഞങ്ങളെ രക്ഷിക്കൂ എന്ന് അഭ്യര്ത്ഥിച്ചാണ് വീഡിയോ അവസാനിക്കുന്നത്. മിന്നല് ആക്രമണത്തില് അധികാരം പിടിച്ചെടുത്തത് മുതല് സ്ത്രീകള്ക്ക് വിദ്യാഭ്യാസവും ജോലിയും ഉള്പ്പടെയുള്ള അവകാശങ്ങള് ഉണ്ടെന്നും മാധ്യമങ്ങള് സ്വതന്ത്രവുമാണെന്നായിരുന്നു താലിബാല് അവകാശപ്പെട്ടിരുന്നത്.
https://www.facebook.com/Malayalivartha
