സ്ത്രീകളും കുട്ടികളും അടക്കം നൂറ് കണക്കിന് അഫ്ഗാനികള് അമേരിക്കന് അഭയാര്ത്ഥി ക്യാംപില് തിങ്ങിപ്പാർക്കുന്നു; സമൂഹ മാധ്യമങ്ങളിൽ വൈറലായി വീഡിയോ
അഫ്ഗാനിസ്താനില് താലിബാന് ഭീകരര് ഭരണം പിടിച്ചടക്കിയതിന് പിന്നാലെ ജനങ്ങള്ക്കെതിരായി നടത്തുന്ന അതിക്രമങ്ങളുടെ വാര്ത്തയും ദൃശ്യങ്ങളുമാണ് പുറത്തു വരുന്നത്.
ഏത് വിധേനയും രാജ്യം വിടാനായി നിരവധി ആളുകളാണ് കാബൂള് വിമാനത്താവളത്തില് തടിച്ചു കൂടുന്നത്. ഇത്തരത്തില് ആളുകള് തിക്കിത്തിരക്കുന്നത് മൂലം ഉണ്ടാകുന്ന അപകട മരണങ്ങളും വര്ത്തയാകുന്നുണ്ട്.
അമേരിക്കന് വ്യോമസേനയിലൂടെ വിമാനത്തില് ഖത്തറിലെ അമേരിക്കന് അഭയാര്ത്ഥി ക്യാംപില് എത്തിയ ആയിരത്തോളം വരുന്ന അഫ്ഗാന് അഭയാര്ത്ഥികള് തിങ്ങിപ്പാര്ക്കുന്നതിന്റെ ഒരു വീഡിയോ ദൃശ്യമാണ് ഇപ്പോള് സമൂഹ മാധ്യമങ്ങളില് ചര്ച്ചയാകുന്നത്.
ഖത്തറിലെ അമേരിക്കന് എയര്ബേസ് ക്യാംപില് ഒരു ശുചിമുറി മാത്രമുള്ള പരിമിതമായ സൗകര്യത്തില് സ്ത്രീകളും കുട്ടികളും അടക്കമുള്ള അഫ്ഗാനികള് തിങ്ങിപ്പാര്ക്കുന്നതാണ് ദൃശ്യങ്ങളിലുള്ളത്.
ചൂടേറിയ കാലാവസ്ഥയില് എ.സി പോലുമില്ലാത്ത ഒരു വലിയ ഹാളിനുള്ളിലാണ് ഇവരെ പാര്പ്പിച്ചിരിക്കുന്നത്. ക്യാമ്പിലെ അസൗകര്യങ്ങളെ കുറിച്ചും പരിമിതികളെക്കുറിച്ചും ഇവര് തന്നെ ഏജന്സിയോട് പറയുന്നതും ദൃശ്യങ്ങളില് കാണാം.
https://www.facebook.com/Malayalivartha
