കഴിഞ്ഞ ദിവസങ്ങളിൽ അഫ്ഗാനുമായി ബന്ധപ്പെട്ട പ്രചരിച്ച വാർത്തകളിൽ ഒന്നായിരുന്നു അഫ്​ഗാന്‍ പ്രസിഡന്‍റ്​ അശ്​റഫ്​ ഗനി രാജ്യം വിട്ടത് നാലു കാറ്​ നിറയെ പണവും വിലപിടിപ്പുള്ള മറ്റു വസ്​തുക്കളുമായിട്ടാണെന്നായിരുന്നു.

ഇത്തരത്തിൽ വാർത്തകൾ പ്രചരിപ്പിച്ചത് റഷ്യ ആയിരുന്നു. ഇപ്പോഴിതാ, ഇത്തരം വാദങ്ങൾ ഉപേക്ഷിച്ചിരിക്കുകയാണ് അഫ്ഗാൻ ഉപദേഷ്ട്ടാവ്. ഗനിക്കെതിരെ രാജ്യത്ത്​ കടുത്ത എതിര്‍പ്​ ഉയരുന്ന പശ്​ചാത്തലത്തിലാണ്​ വിശദീകരണം.

കഴിഞ്ഞ ശനിയാഴ്ച വൈകീ​ട്ടോടെയാണ്​ താലിബാന്‍ അഫ്​ഗാനിസ്​താനില്‍ മിന്നൽ ആക്രമണത്തിൽ എത്തിയത്​. അത്രയെളുപ്പം എല്ലാം വീഴുമെന്ന്​ പ്രതീക്ഷിക്കാതിരുന്ന ഗനി ഞായറാഴ്ച രാജ്യം വിടുകയായിരുന്നുവെന്ന്​ അദ്ദേഹത്തിന്‍റെ രാഷ്​ട്രീയ ഉപദേശകന്‍ വ്യക്തമാക്കി. ഉടുവസ്​ത്രം മാറാന്‍ പോലും നില്‍ക്കാതെയായിരുന്നു കിട്ടിയ വിമാനത്തിലായിരുന്നു നാടുവിട്ടത്.

താലിബാനുമായി ബന്ധമുള്ള ഒരാള്‍ കാബൂളില്‍ ഗനിയെ കണ്ട്​ സര്‍ക്കാര്‍ കീഴടങ്ങണമെന്ന്​ നിര്‍ദേശിക്കുകയായിരുന്നു. അതോടെ പന്തികേടു തോന്നി ഇനിയും നില്‍ക്കുന്നത്​ ജീവന്‍ അപകടത്തിലാക്കുമെന്ന്​ കണ്ടാണ്​ തീരുമാനമെടുക്കേണ്ടിവന്നതെന്നും അദ്ദേഹം പറയുന്നു.

താലിബാനുമായി യു.എസ്​ ഉണ്ടാക്കിയ കരാര്‍ പ്രകാരം അശ്​റഫ്​ ഗനി രാജിവെച്ച്‌​ കൂട്ടുഭരണം സ്​ഥാപിക്കാനായിരുന്നു തീരുമാനം.