പിടിവിടാതെ ഇന്ത്യ..... താലിബാൻക്കാരുടെ ക്രൂരതയ്ക്ക് വിട്ടുകൊടുക്കില്ല.... പിടിവള്ളിയായി ആ ശ്രമവും... 85 ഇന്ത്യക്കാർക്ക് വമ്പൻ ആശ്വാസം....എങ്കിലും അമേരിക്കയുടെ നിലപാട് ഇതിനിടയിൽ ഞെട്ടിക്കുന്നു....വ്യോമസേനയുടെ സി-130ജെ വിമാനം അഫ്ഗാനിസ്ഥാനിൽ കുടുങ്ങിയ 85 ഇന്ത്യക്കാരുമായി പുറപ്പെട്ടു കഴിഞ്ഞു. താജിക്കിസ്താനിൽ ഇറങ്ങി ഇന്ധനം നിറച്ച ശേഷമായിരുന്നു വിമാനം പുറപ്പെട്ടത്.

എന്നാൽ പുറത്ത് വരുന്ന റിപ്പോർട്ടുകളനുസരിച്ച് ഹമീദ് കർസായി വിമാനത്താവളത്തിന് പുറത്ത് 280ഓളം ഇന്ത്യക്കാർ വാഹനങ്ങളിൽ കുടുങ്ങിക്കിടക്കുന്നുവെന്നാണ് വിവരം . ഇന്ത്യയിലേക്ക് മടങ്ങാൻ എത്തിയതായിരുന്നു ഇവർ. എന്നാൽ ഇവരെ വിമാനത്താവളത്തിലേക്ക് പ്രവേശിപ്പിക്കുന്നില്ല. ഇന്നലെ രാത്രി മുതൽ ഇവർ വിമാനത്താവളത്തിന് പുറത്ത് കുടുങ്ങിക്കിടക്കുന്നു .

മലയാളികളുൾപ്പടെയുള്ളവർ സംഘത്തിലുള്ളതായാണ് ഇപ്പോൾ ലഭ്യമാകുന്ന വിവരം. കാബൂളിലെ വിവിധ ഹോട്ടലുകളിൽ താമസിച്ചിരുന്ന ഇന്ത്യക്കാരെ ഇന്നലെ രാത്രിയായിയിരുന്നു ഇന്ത്യൻ വിദേശകാര്യ മന്ത്രാലയം നാല് ബസ്സുകളിലും കാറുകളിലുമായി വിമാനത്താവളത്തിനടുത്തേക്ക് കൊണ്ട് വന്നത് .

ഇപ്പോൾ കാബൂളിലെ ഹമീദ് കർസായി വിമാനത്താവളത്തിന്റെ പൂർണ ചുമതല അമേരിക്കൻ സൈന്യത്തിനാണ് ഏൽപ്പിച്ചിരിക്കുന്നത്. ഇന്ത്യക്കാരെ വിമാനത്താവളത്തിലേക്ക് പ്രവേശിപ്പിക്കുന്നതിനുള്ള അനുമതി അമേരിക്ക നിഷേധിക്കുകയാണ് എന്ന വിവരവും പുറത്തുവരുന്നു.

പ്രശ്നം പരിഹരിക്കുവാൻ വേണ്ടി ഇന്ത്യൻ വിദേശകാര്യ മന്ത്രാലയം കഠിനമായി പരിശ്രമിക്കുന്നുണ്ട്. കഴിഞ്ഞ  ഓഗസ്റ്റ് 15 ന് വ്യോമസേനയുടെ സി-17 എസ് വിമാനങ്ങളിൽ നിരവധി പേരെ രാജ്യത്തെത്തിച്ചിരുന്നു. നയതന്ത്ര ഉദ്യോഗസ്ഥർ, ഐടിബിപി ഉദ്യോഗസ്ഥർ, ഇന്ത്യയിൽ നിന്നുള്ള അഫ്ഗാൻ അംബാസിഡർ ഉൾപ്പെടെയുള്ളവരെയാണ് സുരക്ഷിതമായി രാജ്യത്തെത്തിച്ചത്.