അമേരിക്കയില്‍ ആഞ്ഞുവീശിയിരിക്കുകയാണ് ഐഡ ചുഴലിക്കാറ്റ്. ഏറെ നേരത്തെ ഭയപ്പാടിനൊടുവിൽ നേരത്തേ കരതൊട്ടു എന്ന വാർത്തകൾ പുറത്ത് വന്നിട്ടുണ്ടായിരുന്നു. ന്യൂ ഓര്‍ലിയന്‍സ് സംസ്ഥാനത്ത് വൻ നാശനഷ്ടങ്ങള്‍ തന്നെയാണ് സംഭവിച്ചിരിക്കുന്നത്.

ലൂസിയാനയില്‍ പൂർണമായും വൈദ്യുതി വിതരണം നിലച്ചു എന്ന റിപ്പോർട്ടുകളും പുറത്ത് വരുന്നുണ്ട്. ഈ പ്രദേശത്തു നിന്ന് ആയിരങ്ങളെ മാറ്റിപ്പാര്‍പ്പിച്ചെങ്കിലും 6,20,000 പേര്‍ ഇപ്പോഴും വൈദ്യുതിയില്ലാതെ ദുരിതക്കയത്തിലാണ് കഴിയുന്നത്. ലൂസിയാന ഇതുവരെ നേരിട്ടുള്ള ശക്തമായ ചുഴലിക്കാറ്റുകളിലൊന്നാണ് ഐഡ.

16 വര്‍ഷങ്ങൾക്ക് മുമ്പ്, ഇതേ സമയത്താണ് അമേരിക്കയെ വിറപ്പിച്ച് കത്രീന ചുഴലിക്കാറ്റ് ആഞ്ഞു വീശിയത്. ന്യൂ ഓര്‍ലിയന്‍സില്‍ വമ്പന്‍ നാശനഷ്ടങ്ങള്‍ സൃഷ്ടിച്ച ഈ ചുഴലിക്കാറ്റ് അമേരിക്കയിലെ മറ്റ് പ്രദേശങ്ങളെയും പിടിച്ചു കുലുക്കി. 1,800 പേരാണ് അന്ന് കൊല്ലപ്പെട്ടതായി റിപ്പോർട്ട് ചെയ്തത്.

ഓഗസ്റ്റിലെ അവസാന ദിവസങ്ങളിലുണ്ടായ ദുരന്തത്തില്‍ 125 ബില്യന്‍ ഡോളര്‍ നാശനഷ്ടമാണ് ഇന്ന് കണക്കാക്കിയത്. അന്ന് ദുരന്തമുണ്ടായ അതേ മേഖലയിലാണ്, ഐഡ കാറ്റ് ആഞ്ഞടിക്കുന്നത്. മണിക്കൂറില്‍ 240 കിലോമീറ്റര്‍ വേഗത്തില്‍ ആഞ്ഞു വീശുന്ന കാറ്റില്‍ വ്യാപക നാശനഷ്ടങ്ങളാണ് ഉണ്ടായത്.

കെട്ടിടങ്ങള്‍ തകര്‍ന്നു തരിപ്പണമാകുന്ന കാഴ്ചയാണ് കാണുവാൻ സാധിക്കുന്നത്. ലൂസിയാന, ന്യൂ ഓര്‍ലിയന്‍സ് സംസ്ഥാനങ്ങളിലാകെ വൈദ്യുതി നിലച്ചു. പത്തു ലക്ഷത്തിലേറെ പേര്‍ ഇരുട്ടിലാണെന്നും വൈദ്യുതി പുനസ്ഥാപിക്കാന്‍ ആഴ്ചകള്‍ വേണ്ടിവരുമെന്നും പ്രസിഡന്റ് ജോ ബൈഡന്‍ പറയുന്നു. ലൂയിസിയാനയിലും മിസിസിപ്പിയിലും അടിയന്തരാവസ്ഥ പ്രഖ്യാപിച്ചിട്ടുണ്ട്.

ലക്ഷത്തോളം വീടുകളില്‍ വൈദ്യുതിയില്ലെന്ന് പ്രസിഡന്റ് ജോ ബൈഡന്‍ പറഞ്ഞു. ആഴ്ചകള്‍ എടുക്കാതെ ഇവിടങ്ങളില്‍ വൈദ്യുതി ബന്ധം പൂര്‍ണ്ണമായി ശരിയാക്കാനാവില്ല എന്നും അദ്ദേഹം പറയുന്നു.

ഇത് മഹാദുരന്തമായി പ്രസിഡന്റ് പ്രഖ്യാപിച്ചു. രക്ഷാപ്രവര്‍ത്തനത്തിനും പുനരുദ്ധരണ പ്രവര്‍ത്തനങ്ങള്‍ക്കുമായി കൂടുതല്‍ ഫണ്ടുകള്‍ അനുവദിച്ചു.

ഇത് മഹാദുരന്തമായി പ്രസിഡന്റ് പ്രഖ്യാപിച്ചു. രക്ഷാപ്രവര്‍ത്തനത്തിനും പുനരുദ്ധരണ പ്രവര്‍ത്തനങ്ങള്‍ക്കുമായി കൂടുതല്‍ ഫണ്ടുകള്‍ അനുവദിച്ചു. കാറ്റഗറി ഫോര്‍ വിഭാഗത്തില്‍ പെട്ട ചുഴലിക്കാറ്റാണിത്.

കെട്ടിടങ്ങള്‍ക്കും മരങ്ങള്‍ക്കും വൈദ്യുതി ലൈനുകള്‍ക്കും കൂടുതല്‍ കേടുപാടുണ്ടാക്കുന്ന വിധത്തിലുള്ള ചുഴലിക്കാറ്റ്. അകത്തേക്ക് കടക്കുമ്പോള്‍ മണിക്കൂറില്‍ 153 കിലോ മീറ്റര്‍ ആയി വേഗം കുറയുമെന്നാണ് കരുതുന്നത്.