സ്ത്രീകളുടെ 700 ലധികം അടിവസ്ത്രങ്ങള്‍ മോഷ്ടിച്ച 56കാരന്‍ അറസ്റ്റില്‍. ജപ്പാന്റെ തെക്കന്‍ മേഖലയിലാണ് സംഭവം നടന്നത്. നാണയം ഇട്ടു പ്രവര്‍ത്തിപ്പിക്കുന്ന അലക്കുന്ന മെഷീനില്‍ നിന്നും ആണ് ഇത്രയും അധികം അടിവസ്ത്രങ്ങള്‍ മോഷ്ടിച്ചത്. 21 കാരിയായ വിദ്യാര്‍ത്ഥിനിയാണ് ഓഗസ്റ്റ് 24ാം തീയ്യതി കോയിന്‍ മെഷീനില്‍ നിന്നും ആറു ജോഡി അടിവസ്ത്രങ്ങള്‍ മോഷ്ടിച്ചു എന്ന് പരാതിപ്പെട്ടത്. ഇവര്‍ കുറ്റം ആരോപിച്ചത് ടെട്‌സ്വോ ഉറാതാ എന്ന 56 കാരനെതിരെയാണ്. പോലീസ് ഉടന്‍ തന്നെ ഉറാതയുടെ വസതിയില്‍ പരിശോധന നടത്തി. റിപ്പോര്‍ട്ട് പ്രകാരം പരിശോധനയില്‍ ഇയ്യാളുടെ അപ്പാര്‍ട്ട്‌മെന്റില്‍ നിന്ന് സ്ത്രീകളുടെ 730 അടിവസ്ത്രങ്ങളാണ് കണ്ടെത്തിയത്. സംഭവത്തില്‍ കൂടുതല്‍ അന്വേഷണം നടന്നു കൊണ്ടിരിക്കുകയാണ്. സംഭവത്തില്‍ കുറ്റ സമ്മതം നടത്തിയ ഉറാത ഇപ്പോള്‍ പോലീസ് കസ്റ്റഡിയിലാണ്.