ചരിത്രം കുറിച്ച് സ്വിറ്റ്സര്ലന്റ്; ആ സുദിനം ഇന്നാണ്, സ്വവര്ഗ്ഗ വിവാഹം നിയമവിധേയമാക്കി, ഹിതപരിശോധനക്ക് സ്വിറ്റ്സര്ലന്റില് മൂന്നില് രണ്ട് അംഗീകാരം ലഭിച്ചു, സ്വവര്ഗ്ഗ വിവാഹത്തിന് അനുമതി നല്കുന്ന പടിഞ്ഞാറന് യൂറോപ്പിലെ അവസാന രാജ്യമായി സ്വിറ്റ്സര്ലന്റ്
ഏറെ പരിശ്രമത്തിനൊടുവിൽ ഇന്ന് ചരിത്ര ദിനം. സ്വവര്ഗ്ഗ വിവാഹം നിയമവിധേയമാക്കി സ്വിറ്റ്സര്ലന്റ് ഉത്തരവ് ഇറക്കി. സ്വവര്ഗ്ഗ വിവാഹം നിയമവിധേയമാക്കാനുള്ള ഹിതപരിശോധനക്ക് സ്വിറ്റ്സര്ലന്റില് മൂന്നില് രണ്ട് അംഗീകാരം ലഭിച്ചതായി റിപ്പോർട്ട്. ഇതോടെ രാജ്യത്ത് സ്വവര്ഗ്ഗ വിവാഹം നിയമവിധേയമായി മാറിയിരിക്കുകയാണ്. സ്വവര്ഗ്ഗ വിവാഹത്തിന് അനുമതി നല്കുന്ന പടിഞ്ഞാറന് യൂറോപ്പിലെ അവസാന രാജ്യമായി സ്വിറ്റ്സര്ലന്റ് മാറി എന്നതാണ് ശ്രദ്ധേയം.
അതോടൊപ്പം തന്നെ സ്വവര്ഗ്ഗ വിവാഹങ്ങള് സ്വീകരിക്കുന്ന ലോകത്തിലെ 30ാമത്തെ രാജ്യമാണ് സ്വിറ്റ്സര്ലന്ഡ്. നെതര്ലാന്റ്സ് 2001 ല് തന്നെ സ്വവര്ഗ്ഗ വിവാഹത്തിന് അനുമതി നല്കികൊണ്ട് രംഗത്ത് എത്തിയിരുന്നു. സ്വിസ് ഫെഡറല് ചാന്സലറി നല്കിയ ഫലങ്ങള് അനുസരിച്ച്, ഞായറാഴ്ച നടന്ന രാജ്യവ്യാപകമായ ഹിതപരിശോധനയില് 64.1 ശതമാനം വോട്ടര്മാര് സ്വവര്ഗ്ഗ വിവാഹത്തിന് അനുകൂലമായി വോട്ടുചെയ്യുകയുണ്ടായി.
'ഇത് സ്വിറ്റ്സര്ലന്ഡിന് ഒരു ചരിത്രദിനമാണ്, സ്വവര്ഗ്ഗ ദമ്ബതികള്ക്ക് തുല്യതയെ സംബന്ധിച്ചിടത്തോളം ഒരു ചരിത്ര ദിനം, മുഴുവന് എല്ജിബിടി സമൂഹത്തിനും ഇത് ഒരു സുപ്രധാന ദിവസമാണ്,' 'യെസ്' പ്രചാരണ സമിതിയിലെ ജാന് മുള്ളര് ഇപ്രകാരം പറയുകയുണ്ടായി. ആംനസ്റ്റി ഇന്റര്നാഷണല് ഈ നീക്കത്തെ 'തുല്യതയുടെ നാഴികക്കല്ലായി' സ്വാഗതം ചെയ്യുകയും ചെയ്തു.
https://www.facebook.com/Malayalivartha