റേഡിയോ സിഗ്നലുകള് നിലയ്ക്കും വൈദ്യുതി ഗ്രിഡുകള് പൊട്ടിത്തെറിക്കും ഭൂകാന്തിക കൊടുങ്കാറ്റ് വരുന്നു മുന്നറിയിപ്പുമായി സെന്റര് ഒഫ് എക്സലന്സ് ഇന് സ്പേസ് സയന്സസ് ഇന്ത്യ
അപകട മുന്നറിയിപ്പ് 429 മുതല് 575 കിലോമീറ്റര് വേഗതയില് അതിശക്തമായ ഭൂകാന്തിക കൊടുങ്കാറ്റ് ഇന്ന് ഭൂമിയില് പതിക്കുമെന്ന് മുന്നറിയിപ്പ് നല്കി സെന്റര് ഒഫ് എക്സലന്സ് ഇന് സ്പേസ് സയന്സസ് ഇന്ത്യ. ഇവ വിപരീതഫലങ്ങള്ക്ക് കാരണമാവുമെന്നും സിഇഎസ്എസ്ഐ അഭിപ്രായപ്പെടുന്നു.
'സോളാര് മാക്സിമ'യോട് അടുക്കുന്ന സൂര്യന് കഴിഞ്ഞ കുറച്ച് മാസങ്ങളായി അതിരൂക്ഷമായ തീജ്വാലകള് സൗരവായു ആഘാത തരംഗം ഭൂമിയുടെ കാന്തികമണ്ഡലത്തില് ഉണ്ടാക്കുന്ന അസ്വസ്ഥകള് മൂലമുണ്ടാകുന്ന അതിശക്തമായ ഭൂകാന്തിക കൊടുങ്കാറ്റിന് കാരണമാവുമെന്നാണ് വിദഗ്ദ്ധര് മുന്നറിയിപ്പ് നല്കുന്നത്.
നാഷണല് ഓഷ്യാനിക് ആന്ഡ് അറ്റ്മോസ്ഫെറിക് അഡ്മിനിസ്ട്രേഷന്, നാസ എന്നിവരും കൊറോണല് മാസ് ഇജഷന് നിരീക്ഷിച്ചുവരികയായിരുന്നു. വളരെ വേഗത്തിലുള്ള സൗരവാത പ്രവാഹം കാരണം ഭൂകാന്തിക കൊടുങ്കാറ്റ് ഭൂമിയില് പതിച്ചതിന് ശേഷം തീവ്രമാകുമെന്ന് നാസ മുന്നറിയിപ്പ് നല്കുന്നു.
ഭൂകാന്തിക കൊടുങ്കാറ്റിന്റെ ശക്തി അളക്കുന്നത് ഒന്ന് മുതല് അഞ്ച് വരെ സ്കെയിലിലാണ്. ഇതില് ജി1 തീവ്രത കുറഞ്ഞതും ജി5 തീവ്രത കൂടിയതുമാണ്. ഇന്ന് ഭൂമിയില് പതിക്കുന്ന ഭൂകാന്തിക കൊടുങ്കാറ്റ് ജി2 ലെവല് ആയിരിക്കുമെന്നാണ് വിലയിരുത്തല്. ഇത് ഭൂമിയിലെ വൈദ്യുതി ഗ്രിഡുകള്ക്കും മറ്റും കേടുപാടുകള് വരുത്താന് കാരണമാവും. മാത്രമല്ല റേഡിയോ സിഗ്നലുകള് തടസപ്പെടുത്തുകയും ഉയര്ന്ന പ്രദേശങ്ങളില് വൈദ്യുതി തടസപ്പെടുത്തുകയും ചെയ്യും.
https://www.facebook.com/Malayalivartha