മലയാളികളെ വീണ്ടും കണ്ണീരിലാഴ്ത്തി മറ്റൊരു മരണം കൂടി. യുക്രെയ്‌നിൽ താമസ സ്ഥലത്തു നിന്നും നോമ്പുതുറക്ക് ഉള്ള വിഭവങ്ങൾ വാങ്ങാൻ പോകുന്നതിനിടെ ബൈക്കപകടത്തിൽ മലപ്പുറം സ്വദേശി മരിച്ചു. യുക്രെയ്‌നിലെ അവസാന വർഷ മെഡിക്കൽ വിദ്യാർത്ഥി 22കാരനാണ് അപകടത്തിൽ മരിച്ചത്.

യുക്രെയ്‌നിലെ അവസാന വർഷ മെഡിക്കൽ വിദ്യാർത്ഥിയായ മലപ്പുറം തിരൂർ ചമ്രവട്ടത്തെ പാട്ടത്തിൽ മുഹമ്മദ് റാഫി-നസീറ ദമ്പതികളുടെ മകൻ മുഹമ്മദ് റിസ്വാൻ(22) ആണ് ഏവരെയും കണ്ണീരിലാഴ്ത്തി ബെക്ക് അപകടത്തിൽ മരിച്ചത്. യുക്രയ്നിലെ അർമേനിയയിൽവച്ചാണ് ഈ അപകടം നടന്നത്.

മെഡിക്കൽ വിദ്യാർത്ഥിയായ റിസ്വാൻ അർമേനിയയിലേക്ക് വിസ ക്രെഡിറ്റ് ട്രാൻസ്ഫർ സംബന്ധമായ കാര്യത്തിന് പോവുകയാണ് ചെയ്തത്. താമസ സ്ഥലത്തു നിന്നും നോമ്പുതുറക്ക് ഉള്ള വിഭവങ്ങൾ വാങ്ങാൻ പോകുന്നതിനിടെ വൈകുന്നേരം 6.30ന് ബൈക്ക് അപകടത്തിൽ മരണം സംഭവിക്കുകയായിരുന്നു.

സഹോദരങ്ങൾ: റമീസ്(എൻജിനീയർ), മുഹമ്മദ് സാമാൻ(പ്ലസ്ടു വിദ്യാർത്ഥി). മൃതദേഹം നാട്ടിൽ എത്തിക്കാൻ കെ ടി ജലീൽ എംഎൽഎ ഇടപെട്ട് നോർക്കയുടെ സഹായം തേടിയിരിക്കുകയാണ്. ഖബറടക്കം പിന്നീട് ചമ്രവട്ടം ജുമാ മസ്ജിദ് ഖബർസ്ഥാനിൽ.