നെറ്റ്വർക്കോ സിമ്മോ ഇല്ലാതെ വിളിക്കാം... സെപ്റ്റംബറിൽ അവതരിപ്പിക്കുന്ന ഐഫോൺ 14 സീരീസിൽ സാറ്റലൈറ്റ് ഫീച്ചർ! അടിയന്തരാവസ്ഥയിൽ സെല്ലുലാർ സിഗ്നലില്ലാതെ ഈ ഫീച്ചർ വഴി കോൺടാക്റ്റിലേക്ക് സന്ദേശങ്ങൾ അയക്കാം... അമ്പരപ്പിക്കുന്ന റിപ്പോർട്ട് പുറത്ത്....
ഐഫോൺ ഓരോ പുതിയ വേർഷൻ ഇറക്കുമ്പോഴും ഉപയോകതാക്കൾക്ക് സർപ്രൈസ് കരുതിയിട്ടുണ്ടാകും. അങ്ങനെ എല്ലാ വർഷവും ഐഫോൺ ലോഞ്ചിന് മുമ്പ് തന്നെ പല തരത്തിലുള്ള വിവരങ്ങളും ലഭിക്കാറുണ്ടായിരുന്നു. എന്നാൽ കഴിഞ്ഞ കുറച്ച് വർഷങ്ങളായി ആപ്പിൾ ആരാധകർ നിരാശയിലാണ് എന്നത് പറയാതിരിക്കാൻ വയ്യ. കാരണം പറയത്തക്ക പുതുമകൾ ഒന്നും തന്നെ കൊണ്ട് വരാത്തത് ആണ് ഇതിന് കാരണം.
എന്നാൽ ഐഫോൺ 13 സീരീസിൽ സാറ്റലൈറ്റ് കണക്റ്റിവിറ്റി നൽകുമെന്ന് കഴിഞ്ഞ വർഷം വാർത്ത വന്നിട്ടുണ്ടായിരുന്നു. എന്തെന്നാൽ ആവശ്യമെങ്കിൽ തന്നെ നെറ്റ്വർക്കോ സിമ്മോ ഇല്ലാതെ വിളിക്കാം എന്നതാണ്. വാർത്തകൾ വന്നതുമാത്രമേ ഉള്ളു. ഐഫോൺ 13 സീരീസിൽ ഇത്തരത്തിൽ ഒരു ഫീച്ചർ നൽകിയിട്ടില്ല.
ഇപ്പോഴിതാ സെപ്റ്റംബറിൽ അവതരിപ്പിക്കുന്ന ഐഫോൺ 14 സീരീസിൽ സാറ്റലൈറ്റ് ഫീച്ചർ നൽകുമെന്നാണ് പുതിയ വാർത്ത വന്നിരിക്കുന്നത്. അടിയന്തര ഘട്ടങ്ങളിൽ മാത്രമേ സാറ്റലൈറ്റ് കണക്ടിവിറ്റി ഓപ്ഷൻ ഉപയോഗിക്കാനാകൂ എന്നാണ് ലഭ്യമാകുന്ന വിവരം.
അതായത് ആപ്പിൾ വാച്ചിനായി ഒരു സാറ്റലൈറ്റ് സവിശേഷത അവതരിപ്പിക്കുന്നതായി അടുത്തിടെ Gizmo റിപ്പോർട്ട് ചെയ്തിരുന്നു. അടിയന്തരാവസ്ഥയിൽ സെല്ലുലാർ സിഗ്നലില്ലാതെ ഈ ഫീച്ചർ വഴി കോൺടാക്റ്റിലേക്ക് സന്ദേശങ്ങൾ അയക്കാമെന്നാണ് റിപ്പോർട്ട് ചൂണ്ടിക്കാണിക്കുന്നത്.
ആയതിനാൽ തന്നെ ഐഫോൺ 14-ൽ സാറ്റലൈറ്റ് കണക്റ്റിവിറ്റി ഫീച്ചർ നൽകിയേക്കാം എന്നാണ് ബ്ലൂംബെർഗിന്റെ മാർക്ക് ഗുർമാൻ ചൂണ്ടിക്കാണിക്കുന്നത്. നെറ്റ്വർക്ക് സിഗ്നലും വൈഫൈയും ലഭ്യമല്ലാത്ത വിദൂര പ്രദേശങ്ങളിൽ ഈ ഫീച്ചർ ഗുണം ചെയ്യുമെന്നാണ് പറയപ്പെടുന്നത്.
അതേസമയം, ആപ്പിൾ വാച്ചിൽ സാറ്റലൈറ്റ് കണക്റ്റിവിറ്റി ഫീച്ചർ നൽകാനും കമ്പനി തയ്യാറെടുക്കുന്നു എന്നാണ് മാർക്ക് ഗുർമാൻ ചൂണ്ടിക്കാണിക്കുന്നത്. ഇത് എമർജൻസി ടെക്സ്റ്റിംഗിനും എസ്ഒഎസ് പ്രതികരണത്തിനും ഉപയോഗിക്കുന്നതായിരിക്കും. ഈ റിപ്പോർട്ട് ശരിയാണെങ്കിൽ തന്നെ ഇത്തവണയെങ്കിലും ആപ്പിൾ ആരാധകർക്ക് പുതിയ എന്തെങ്കിലും ലഭിക്കും എന്ന് പ്രതീക്ഷിക്കാം എന്നതാണ് പറയാനുള്ളത്.
കൂടാതെ സാറ്റലൈറ്റ് കണക്റ്റിവിറ്റി ഫീച്ചർ വെബ് ബ്രൗസിംഗ്, വീഡിയോ സ്ട്രീമിംഗ് തുടങ്ങിയ മറ്റ് പ്രവർത്തനങ്ങൾക്ക് ഉണ്ടായിരിക്കില്ല എന്നതാണ്. ഇത് വിദൂര, ഗ്രാമപ്രദേശങ്ങളിൽ ഉപയോഗിക്കാൻ കഴിയുന്ന അടിയന്തര ആശയവിനിമയത്തിന് മാത്രമായിരിക്കുമെന്നാണ് റിപ്പോർട്ടുകൾ വ്യക്തമാക്കുന്നത്. സെപ്റ്റംബറിൽ, പുതിയ ഐഫോണുകൾക്കായി കമ്പനിക്ക് ഒരു ലോഞ്ച് ഇവന്റ് സംഘടിപ്പിച്ചേക്കുന്നതാണ്. അങ്ങനെ ഉപഭോക്താക്കളെ തേടി പുതിയ സർപ്രൈസുകൾ എത്തുന്നതായിരിക്കും.
https://www.facebook.com/Malayalivartha