ശരീരം മുഴുവൻ ടാറ്റൂ ചെയ്തു നടക്കുകയാണ് ആന്റണി ലോഫ്രെഡോ എന്ന മനുഷ്യൻ. അന്യഗ്രഹ ജീവിയെ പോലെയാകാനാണ് താൻ അങ്ങനെ ചെയ്തത്. ആരും പേടിച്ചു പോകുന്ന തരത്തിലേക്ക് ശസ്ത്രക്രിയയിലൂടെ മാറുകയായിരുന്നു. ആന്റണി, ‘ബ്ലാക്ക് ഏലിയൻ‘ എന്നാണ് അയാൾ അറിയപ്പെടുന്നത്. ഇപ്പോഴിതാ ഒരു പരാതിയുമായി ആ വ്യക്തി രംഗത്തെത്തിയിരിക്കുകയാണ് .

തന്റെ രൂപ മാറ്റം കാരണം തനിക്ക് ജോലിയൊന്നും നൽകുന്നില്ല. ആരും തന്നെ സാധാരണക്കാരനായി കണക്കാക്കുന്നില്ല. ദയവായി എല്ലാവരും ഒരു ‘നോർമൽ’ മനുഷ്യനായി തന്നെ കാണണമെന്നാണ് 34-കാരനായ ആന്റണി വേദനയോടെ പറയുന്നത്. പലരും തന്നെ കാണുമ്പോൾ ബഹളം വെക്കുന്നു.

മാത്രമല്ല ചിലരൊക്കെ തന്നെ കാണുമ്പോൾ ഓടിപോവുന്നു. ഒരു മനുഷ്യനാണ് താൻ. പക്ഷെ എല്ലാവരുടെയും വിചാരം തനിക്ക് പ്രാന്താണെന്നാണ് ആന്റണി പറയുന്നത്. ഇൻസ്റ്റഗ്രാമിൽ 1.2 ദശലക്ഷം ഫോളോവേഴ്‌സ് ഉള്ളയാളാണ് ആന്റണി. കൃഷ്ണമണി ഉൾപ്പെടെയുള്ള ശരീരഭാഗങ്ങൾ ടാറ്റൂ ചെയ്തു. നാവിനെ രണ്ടായി പിളർത്തി മൂക്കിന്റെ അഗ്രം മുറിച്ചു കളഞ്ഞു.

മേൽചുണ്ടിന്റെ ഒരു ഭാഗവും കീഴ്ചുണ്ടിന്റെ അടിവശവും കളഞ്ഞു. തലയിൽ മുഴകളും കുഴികളും ഉണ്ടാക്കി. കൈകളിലെ രണ്ട് വിരലുകൾ കൂടി ചെത്തിക്കളഞ്ഞിരിക്കുകയാണ് ഇയാൾ. പെട്ടെന്ന് നോക്കിയാൽ ഒരു അന്യഗ്രഹ ജീവിയെ പോലെ തന്നെയാണ് ഉള്ളത്. അയാളാണ് ഇത്തരത്തിലൊരു പരാതിയുമായി രംഗത്ത് വന്നത്.