ശ്രീലങ്കയുടെ പ്രധാനമന്ത്രിയായി ദിനേഷ് ഗുണവര്‍ധനെ  സത്യപ്രതിജ്ഞ ചെയ്ത് അധികാരമേറ്റു. പ്രസിഡന്റ് റനില്‍ വിക്രമസിംഗെയ്ക്കു മുമ്പിലാണ് ഗുണവര്‍ധനെ സത്യപ്രതിജ്ഞ ചെയ്തത്.


ശ്രീലങ്കയിലെ മുന്‍ പ്രസിഡന്റ് രജപക്സെയുടെ അനുയായിയാണ് ഗുണവര്‍ധനെ. നേരത്തെ ആഭ്യന്തര - തദ്ദേശം, വിദേശകാര്യം, വിദ്യാഭ്യാസം എന്നീ വകുപ്പുകളില്‍ മന്ത്രിയായി പ്രവര്‍ത്തിച്ചിട്ടുമുണ്ട്.

റനില്‍ വിക്രമസിംഗെ ശ്രീലങ്കന്‍ പ്രസിഡന്റായി തെരഞ്ഞെടുക്കപ്പെട്ടതിന് പിന്നാലെ പ്രക്ഷോഭകാരികള്‍ക്കു നേരെ നടപടി കടുപ്പിച്ചിരുന്നു. പ്രസിഡന്റിന്റെ ഓഫീസിനകത്ത് ഉണ്ടായിരുന്ന പ്രക്ഷോഭകരെ ഒഴിപ്പിക്കുകയും ചെയ്തു.