സാധാരണ ഒരു രാജ്യത്തേക്ക് നടത്തുന്ന യാത്രയിൽ നിന്ന് വ്യത്യസ്തമായി ഇരുപത് വർഷങ്ങൾക്ക് ശേഷം മാർപ്പാപ്പ ക്യാനഡയിലേയ്ക്ക്. കാനഡയിലെ ബ്രിട്ടീഷ് കൊളംബിയ പ്രവിശ്യയില്‍ കത്തോലിക്ക സഭയുടെ നേതൃത്വത്തില്‍ പ്രവര്‍ത്തിച്ചിരുന്ന സ്കൂളുകള്‍ക്ക് സമീപം കുട്ടികളുടെ കൂട്ടക്കുഴിമാടങ്ങള്‍ കണ്ടെത്തിയ സംഭവത്തില്‍ ക്ഷമാപണം നടത്തുന്നതിനായാണ് മാർപാപ്പയുടെ സന്ദർശനം.

കാനഡയിലെ സമൂഹത്തെ കാണാൻ ഞാൻ ക്രിസ്തുവിന്റെ നാമത്തിലാണ് പോകുന്നതെന്ന് മാർപാപ്പ വ്യക്തമാക്കിയിരുന്നു .കത്തോലിക്ക മിഷനറിമാര്‍ തദ്ദേശീയരായ ജനങ്ങളോട് ചെയ്ത തിന്മകള്‍ക്ക് കനേഡിയന്‍ മണ്ണില്‍ചെന്ന് ക്ഷമ യാചിക്കുന്നതിനുള്ള പശ്ചാത്താപ തീര്‍ഥാടനമാണിതെന്ന് അദ്ദേഹം പറഞ്ഞു. ഞായറാഴ്ച മുതല്‍ ഒരാഴ്ചയാണ് സന്ദര്‍ശനം.