വസൂരി പ്രതിരോധ വാക്സിന് മങ്കിപോക്സിന് ഫലപ്രദം, വാക്സിന് വിതരണത്തില് ഇന്ത്യ ഏറെ പ്രാപ്തം, അവസരം നല്കിയാല് തടസമില്ലാതെ ലഭ്യമാകുമെന്ന് ലോകാരോഗ്യസംഘടന
വസൂരിയുടെ പ്രതിരോധത്തിന് ഉപയോഗിച്ചിരുന്ന വാക്സിന് മങ്കിപോക്സിനെതിരെ ഫലപ്രദമാണെന്ന് ലോകാരോഗ്യസംഘടന.എങ്കിലും പുതിയ വാക്സിനുകള് വികസിപ്പിച്ചു വരികയാണ്. അവയില് ഒരെണ്ണത്തിന് മങ്കിപോക്സിനെതിരെ ഉപയോഗിക്കാനുള്ള അനുമതി നല്കിയിട്ടുണ്ട്. വസൂരിക്കെതിരെയുള്ള വാക്സിനുകള് മങ്കിപോക്സിനെതിരെ ഫലപ്രദമാണെങ്കിലും കൂടുതല് പഠനം ഈ വിഷയത്തില് ആവശ്യമാണെന്ന് ലോകാരോഗ്യസംഘടനയുടെ മുഖ്യശാസ്ത്രജ്ഞ ഡോക്ടര് സൗമ്യ സ്വാമിനാഥന് അഭിപ്രായപ്പെട്ടു.
സെറം ഇന്സ്റ്റിറ്റ്യൂട്ട് പോലെയുള്ള ഇന്ത്യന് കമ്പനികള്ക്ക് മരുന്ന് കുപ്പികളിലാക്കുന്നതിനും മാര്ക്കറ്റിലെത്തിക്കുന്നതിനും അവസരം നല്കിയാല് നിലവിലുള്ള വസൂരി വാക്സിനുകള് തടസമില്ലാതെ ലഭ്യമാകുമെന്നും അവര് അഭിപ്രായപ്പെട്ടു. ഇത്തരം വിഷയങ്ങളില് ഇന്ത്യ ഏറെ പ്രാപ്തമാണെന്നും അതിനാല് തന്നെ ഇത്തരം സന്ദര്ഭങ്ങളില് ഇന്ത്യയ്ക്ക് ആഗോളതലത്തില് മുഖ്യപങ്കാളിത്തം വഹിക്കാനാവുമെന്നും സൗമ്യ സ്വാമിനാഥന് പറഞ്ഞു.
മങ്കിപോക്സ് വ്യാപനത്തിന്റെ ആരംഭം ഒരു അപായസൂചനയാണ്. ഭീതിപരത്തുന്ന രോഗങ്ങളുടെ പൊട്ടിപ്പുറപ്പെടലിനെതിരെ സദാ ജാഗരൂകരായിരിക്കാന് ഈ രോഗവ്യാപനം നമ്മെ ഓര്മിപ്പിക്കുന്നു. 1979-1980 മുതല് വസൂരിക്കെതിരെയുള്ള വാക്സിനേഷന് പരിപാടികള് നിര്ത്തിവെച്ചത് വൈറസ് വ്യാപനത്തിന് വീണ്ടുമൊരു അവസരം കൂടി ഒരുക്കിയതായും സൗമ്യ സ്വാമിനാഥന് കൂട്ടിച്ചേര്ത്തു.
ഓര്ത്തോപോക്സ് ജനുസ്സില് പെട്ട വൈറസാണ് മങ്കിപോക്സിന് കാരണമാകുന്നത്. വസൂരിയ്ക്ക് സമാനമായ രോഗലക്ഷണങ്ങളാണ് മങ്കിപോക്സിനും ഉള്ളത്. 1980 ല് ഭൂമിയില് നിന്ന് തുടച്ചുനീക്കപ്പെട്ടതായി കരുതപ്പെടുന്ന രോഗമാണ് വസൂരി. അതിനാല് തന്നെ വസൂരിക്കെതിരെയുള്ള ആഗോള പ്രതിരോധ പ്രവര്ത്തനങ്ങള് പിന്നീട് നിര്ത്തിവെയ്ക്കുകയും ചെയ്തുവെന്നും അവർ പറയുന്നു.
https://www.facebook.com/Malayalivartha
