ഫിലിപ്പൈന്‍യിൽ ശക്തമായ ഭൂചലനം. റിക്ടർ സ്കെയിലിൽ 7.1 തീവ്രത രേഖപ്പെടുത്തിയ ശക്തമായ ഭൂകമ്പമാണ് ഫിലിപ്പൈന്‍സിലെ ലുസോണില്‍ ദ്വീപിൽ അനുഭവപ്പെട്ടത്. വടക്കന്‍ പ്രവിശ്യയിലെ ആശുപത്രിക്കും കെട്ടിടങ്ങള്‍ക്കും സാരമായ കേടുപാടുകള്‍ ഉണ്ടായി തലസ്ഥാനമായ മനിലയില്‍ ശക്തമായ ഭൂചലനമാണ് ഉണ്ടായത്.

ആളുകൾ വീടുകളിൽനിന്നും കെട്ടിടങ്ങളിൽനിന്നും ഇറങ്ങിയോടി. മറ്റു നാശനഷ്ടങ്ങള്‍ റിപ്പോര്‍ട്ട് ചെയ്തിട്ടില്ല. പർവത പ്രദേശമായ അബ്ര പ്രവിശ്യയാണു ഭൂചലനത്തിന്റെ പ്രഭവകേന്ദ്രമെന്നു ഫിലിപ്പീൻസ് ഇൻസ്റ്റിറ്റ്യൂട്ട് ഓഫ് വോൾക്കാനോളജി ആൻഡ് സീസ്മോളജി അറിയിച്ചു.

ഭൂകമ്പത്തെ തുടര്‍ന്ന് കെട്ടിടം ഭാഗികമായി തകര്‍ന്നതിനെ തുടര്‍ന്ന് അബ്ര പ്രവിശ്യയിലെ ഒരു ആശുപത്രി ഒഴിപ്പിച്ചെങ്കിലും ആളപായമൊന്നും റിപ്പോര്‍ട്ട് ചെയ്തിട്ടില്ലെന്ന് അധികൃതര്‍ അറിയിച്ചു. അബ്ര ഗവര്‍ണര്‍ ജോയ് ബെര്‍ണോസ് തന്റെ ഫേസ്ബുക്ക് അക്കൗണ്ടില്‍ തകര്‍ന്ന അബ്ര പ്രൊവിന്‍ഷ്യല്‍ ആശുപത്രിയുടെ ഫോട്ടോകള്‍ പോസ്റ്റ് ചെയ്തു.