റഷ്യയെ പൂട്ടാനിറങ്ങിയ അമേരിക്ക സാമ്പത്തീക മാന്ദ്യത്തിലേയ്ക്ക് കൂപ്പു കുത്താന്‍ പോകുകയാണ്. റഷ്യയ്ക്ക് കൊടുത്ത പണി ഏറ്റതും ഇല്ലെ റൂബിള്‍ കഴിഞ്ഞ കുറേ വര്‍ഷത്തെ അപേക്ഷിച്ച് ഏറ്റവും മികച്ച രീതിയിലാണ് ഇപ്പോള്‍ നില്‍ക്കുന്നതും. മാത്രമല്ല ഇന്ത്യയും നല്ല കിടിലന്‍ പണിയാണ് അമേരിക്കയ്ക്ക് കൊടുത്തിരിക്കുന്നത്. സ്വന്തം രാജ്യ സുരക്ഷ സ്വന്തം കാലില്‍ നില്‍ക്കാന്‍ കഴിയുന്ന രാജ്യം. ആരുടെയും മുഖം നോക്കാതെ സ്വതന്ത്രമായി തീരുമാനം എടുക്കാന്‍ കെല്‍പ്പുള്ള രാജ്യം ഇക്കാര്യങ്ങളൊക്കെ മറ്റു പലരെയും ബോധ്യപ്പെടുത്താനാണ് ഇന്ത്യ അമേരിക്കയ്ക്ക് ആ പണി കൊടുത്തതെങ്കിലും റഷ്യയ്ക്ക് അത് ലോട്ടറിയായി.

എണ്ണവിനിമയത്തിന് ഡോളര്‍ ഒഴിവാക്കിയതു തന്നെയാണ് അമേരിക്കയ്ക്ക് ഇന്ത്യ കൊടുത്ത എട്ടിന്റെ പണി. മാത്രമല്ല ഇനിയുള്ള വിനിമയം രൂപയിലാക്കാനുള്ള നീക്കങ്ങളും ഇന്ത്യ ആരംഭിച്ചിട്ടുണ്ട്. അതിന് റഷ്യയുടെ പച്ചക്കൊടി ഉണ്ടാകും എന്നു തന്നെയാണ് പ്രതീക്ഷിക്കപ്പെടുന്നത്. എന്തായാലും അമേരിക്കയുടെ ഇപ്പോഴത്തെ അവസ്ഥ ഏറെ പരിതാപകരമാണ്.

എന്തായാലും ഇന്ത്യന്‍ ഐടി കമ്പനികള്‍ അമേരിക്കന്‍ മാന്ദ്യത്തിനു മുന്നോടിയായുള്ള കരുതല്‍ നടപടികള്‍ തുടങ്ങിക്കഴിഞ്ഞു. രാജ്യത്തെ ഐടി ഇടപാടുകളുടെ 40% മുതല്‍ 78% വരെ അമേരിക്കയുമായിട്ടായതിനാല്‍ മിക്ക കമ്പനികളും ചെലവു ചുരുക്കല്‍ ആരംഭിച്ചിട്ടുണ്ട്. സാമ്പത്തികമാന്ദ്യം വന്നാല്‍ യുഎസ് കമ്പനികള്‍ ആദ്യം ചെലവു ചുരുക്കുന്നത് ഐടി പദ്ധതികളിലാവും എന്നതാണു കാരണം.

രണ്ട് രീതിയിലാണ് ടെക്കികളെ ഇതു ബാധിക്കുകയെന്നു ചൂണ്ടിക്കാണിക്കപ്പെടുന്നു. 1. തുടക്കക്കാരുടെ റിക്രൂട്ട്‌മെന്റ് കുറയാം. ചില കമ്പനികള്‍ ക്യാംപസ് റിക്രൂട്‌മെന്റ് നടത്തിയ ശേഷം ജോലിക്കു ചേരേണ്ട തീയതി അറിയിക്കാതെ നീട്ടിക്കൊണ്ടു പോകുന്നത് ഇതിന്റെ ഭാഗമാണ്. 2. കോവിഡ് കാലത്ത് വന്‍ ശമ്പളം നല്‍കി മറ്റു കമ്പനികളില്‍ നിന്നു റാ!ഞ്ചിയവരെ വേണ്ടാതാകുന്ന സ്ഥിതി വരാം. ചെലവ് കൂടിയവരെ ഒഴിവാക്കുകയോ ശമ്പളം വെട്ടിക്കുറയ്ക്കുകയോ ചെയ്‌തേക്കാം.

യൂറോപ്പിലും മാന്ദ്യം വരുന്നുണ്ടെന്നാണ് വിലയിരുത്തല്‍. വര്‍ഷാവസാനം അത് യാഥാര്‍ഥ്യമായേക്കും. മാന്ദ്യം മുന്നില്‍ കണ്ട് ഇന്ത്യന്‍ ഐടി കമ്പനികളുടെ ഓഹരി മൂല്യത്തില്‍ ഇടിവു നേരിട്ടിരുന്നു. കഴിഞ്ഞ വര്‍ഷം 10.4% വളര്‍ച്ചാ നിരക്ക് നേടിയ ഇന്ത്യന്‍ ഐടിക്ക് നടപ്പു വര്‍ഷം 6.7% വളര്‍ച്ച മാത്രമേ ഉണ്ടാവൂ എന്നാണു കണക്കാക്കുന്നത്. അമേരിക്കന്‍ മാന്ദ്യം മുന്നില്‍കണ്ട് എല്ലാ കമ്പനികളും കരുതല്‍ ധനം വര്‍ധിപ്പിക്കുന്നുണ്ട്. ഐടി രംഗത്ത് ആകെ ചെലവിന്റെ 70% വരെ ടെക്കികളുടെ ചെലവാണ്. സ്വാഭാവികമായും അതു കുറയ്ക്കാനാണ് ശ്രമം. ഐടി തലസ്ഥാനമായ ബെംഗളൂരുവില്‍ ഇതിന്റെ ആഘാതം അനുഭവപ്പെട്ടു തുടങ്ങി. സ്റ്റാര്‍ട്ടപ്പുകളുടെ മൂല്യവും ഫണ്ടിങ്ങും കുറഞ്ഞു.