ദുബായ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് അൽ മക്തൂം കുടുംബത്തിനും സുഹൃത്തുക്കൾക്കുമൊപ്പം ലണ്ടനിൽ അവധി ആഘോഷിക്കുകയാണ്. ലണ്ടനില്‍ രാജകീയമായി യാത്ര ചെയ്യേണ്ട സ്ഥലങ്ങളില്‍ എല്ലാം ഹംദാന്‍ ബിന്‍ മുഹമ്മദ് സാധാരണക്കാരനെ പോലെയാണ് യാത്ര ചെയ്യുന്നത്. ഇപ്പോള്‍ ഇതുമായി ബന്ധപ്പെട്ട ഒരു ചിത്രമാണ് അദ്ദേഹം സോഷ്യല്‍ മീഡിയയില്‍ പങ്കുവച്ചത്. 14.5 ദശലക്ഷം ഫോളോവേഴ്സാണ് ഇൻസ്റ്റാഗ്രാമിൽ അദ്ദേഹത്തിനുള്ളത്.

ഇപ്പോള്‍ വൈറലായ ഫോട്ടോയില്‍, ഷെയ്ഖ് ഹംദാന്‍ തന്റെ സുഹൃത്തിനൊപ്പം തിരക്കേറിയ ലണ്ടന്‍ ട്യൂബ് കമ്പാര്‍ട്ടുമെന്റിന് നടുവില്‍ നില്‍ക്കുന്നതായി കാണുന്നു. ഇയാളുടെ സുഹൃത്ത് ബദർ അതീജ് ആണ് കൂടെയുള്ളതെന്ന് ഫോളോവേഴ്സ് കണ്ടെത്തി. എന്നാല്‍ കൗതുകകരമായ കാര്യം എന്താണെന്ന് വച്ചാല്‍ ഇദ്ദേഹത്തെ ട്രെയിനിലെ യാത്രക്കാരില്‍ ആരും തിരിച്ചറിഞ്ഞില്ല. ഒരു സാധാരണ പൗരന്റെ ലുക്കിലാണ് അദ്ദേഹത്തിന്റെ യാത്ര.

ഏകദേശം ഒരാഴ്ച മുമ്പ് പങ്കിട്ട പോസ്റ്റിന്റെ അടിക്കുറിപ്പിൽ ഞങ്ങൾക്ക് ഒരുപാട് ദൂരം പോകാനുണ്ട്, ബദറിന് ഇതിനകം വിരസതയുണ്ട് എന്ന് അദ്ദേഹം കുറിച്ചു. മറ്റൊരു ഫോട്ടോയിൽ, ദുബായ് ഭരണാധികാരി ഷെയ്ഖ് മുഹമ്മദ് ബിൻ റാഷിദ് അൽ മക്തൂമും ലണ്ടനിലെ അവധിക്കാലത്ത് ഷെയ്ഖ് ഹംദാനോടൊപ്പം ചേർന്നു. പിതാവിനും രണ്ട് കുട്ടികൾക്കുമൊപ്പമുള്ള ചിത്രം കിരീടാവകാശി തന്റെ ഇൻസ്റ്റാഗ്രാം ഹാൻഡിൽ പങ്കിട്ടു. കഴിഞ്ഞ മാസം ഷെയ്ഖ് ഹംദാൻ ലണ്ടനിലെ ദുബായ് നിവാസികൾക്കൊപ്പം സെൽഫി എടുക്കുന്ന വീഡിയോ സോഷ്യൽ മീഡിയയിൽ വൈറലായിരുന്നു.