ഞെട്ടരുത്. നമ്മുടെ പ്രീയപ്പെട്ട സൂര്യന്റെ ആയുസ് അവസാനിക്കുകയാണ്. മരണം അടുക്കുകയാണ്, ലോകത്തെ ചൈതന്യവത്തായി നിലനിര്‍ത്തുന്ന ദിവ്യശക്തി അപ്രത്യക്ഷമാകാന്‍ ഒരുങ്ങുകയാണ്. സൂര്യന്റെ ഉപരിതല താപം കുറഞ്ഞ് ഒരു ചുവന്ന നക്ഷത്രമായി ഒടുവില്‍ ചുരുങ്ങിപ്പോകുമെന്നാണ് സൂര്യന്റെ മരണത്തെക്കുറിച്ചുള്ള ശാസ്ത്രലോകത്തെ പുതിയ പ്രവചനങ്ങള്‍. സൂര്യന്റെ ചൂടിനേയും പ്രകാശത്തേയും ആശ്രയിച്ചു പുലരുന്ന ഭൂമിയുടെ അവസ്ഥയിപ്പോള്‍ ജനഗണമനയാകും.

ഇപ്പോള്‍ സൂര്യന്‍ തന്റെ പകുതി വയസ് പിന്നിട്ടിരിക്കുകയാണ്, 457 കോടി വര്‍ഷമാണ് സൂര്യന്റെ ഇപ്പോഴത്തെ പ്രായം. യൂറോപ്യന്‍ സ്‌പേസ് ഏജന്‍സിയാണ് ഇക്കാര്യം നമ്മെ അറിയിക്കുന്നത്. മധ്യവയസിലെ പ്രശ്‌നങ്ങള്‍ സൂര്യന്‍ അനുഭവിച്ചു തുടങ്ങിയിട്ടുണ്ടെന്നും അവര്‍ പറയുന്നു. അടുത്തടുത്തുണ്ടാകുന്ന സൗര തരംഗങ്ങള്‍, സൗരവാതം, സൗര പ്രഭാമണ്ഡലത്തില്‍ നിന്നുള്ള പ്ലാസ്മയുടേയും കാന്തികമണ്ഡലത്തിന്റേയും പുറന്തള്ളല്‍ എന്നിവയാണ് അതിന്റെ ലക്ഷണങ്ങള്‍.

ഗായ എന്ന ബഹിരാകാശ പേടകം ശേഖരിച്ച വിവരങ്ങള്‍ വിശകലനം ചെയ്താണ് ഈ നിഗമനങ്ങളില്‍ എത്തിച്ചേര്‍ന്നിട്ടുള്ളത്. പ്രപഞ്ചത്തിലെ വിവിധ നക്ഷത്രങ്ങളുടെ ജീവിത യാത്ര മനസിലാക്കാന്‍ സഹായിക്കുന്നതാണ് ഈ വിവരങ്ങള്‍. നക്ഷത്രങ്ങളുടെ ഊഷ്മാവ്, വലുപ്പം, പിണ്ഡം എന്നിവയെല്ലാം ഗയ ശേഖരിച്ച വിവരങ്ങളില്‍ അടങ്ങയിട്ടുണ്ട്. സൂര്യന് സമാനമായ പിണ്ഡവും രാസഘടനയുമുള്ള മറ്റു നക്ഷത്രങ്ങലെ കണ്ടെത്തി പഠിച്ചാല്‍ നമ്മുടെ സൂര്യന്റെ ഭാവി കൃത്യമായ പ്രവചിക്കാന്‍ കഴിയുമെന്നാണ് കരുതുന്നത്.

മധ്യവയസ് പിന്നിട്ടെങ്കിലും സൂര്യനില്‍ നടക്കുന്ന പ്രക്രിയകള്‍ അങ്ങനെ തന്നെ തുടരുകയാണ്. ഹൈഡ്രജന്‍ സംയോജിപ്പിച്ച് ഹീലിയമാക്കുന്നത് പോലുള്ള കാര്യങ്ങളില്‍ മന്ദത വന്നിട്ടില്ല. എന്നാല്‍ എപ്പോഴും അതങ്ങനെ തുടരണമെന്നില്ലന്നാണ് ശാസ്ത്രലോകം പറയുന്നത്. സൂര്യന്റെ അന്തര്‍ഭാഗത്തുള്ള ഹൈഡ്രജന്‍ ഇന്ദനം കുറയുന്നതനുസരിച്ച് അണുസംയോജന പ്രക്രീയയിലും മാറ്റമുണ്ടാകും. അങ്ങനെ ഉപരിതല താപം കുറഞ്ഞ് സൂര്യന്‍ വലിയൊരു ചുവന്ന ഗോളമായി പരിണമിച്ചേക്കാം. ദൈവമേ അങ്ങനെ സംഭവിച്ചാല്‍.