പ്രതിശ്രുത വധു വാര്‍ഷിക പരീക്ഷയില്‍ തോറ്റതിൽ പ്രതികാരം, സ്കൂളിന് തീകൊളുത്തിയ യുവാവിനെ അറസ്റ്റ് ചെയ്ത് ജയിലിലടച്ചു
പ്രതിശ്രുത വധു പരീക്ഷയില്‍ തോറ്റതിന് പ്രതികാരമായി സ്കൂളിന് തീകൊളുത്തിയ യുവാവിനെ പൊലീസ് അറസ്റ്റ് ചെയ്ത് നാല് ദിവസത്തേക്ക് ജയിലിലടച്ചു.ഈജിപ്തിലാണ് സംഭവം. ഗര്‍ബിയ ഗവര്‍ണറേറ്റ് പൊലീസാണ് ഇക്കാര്യം അറിയിച്ചത്. സംഭവത്തില്‍ കൂടുതല്‍ അന്വേഷണം നടക്കുകയാണെന്ന് പ്രാദേശിക മാധ്യമങ്ങളെ ഉദ്ധരിച്ച് ഗള്‍ഫ് ന്യൂസ് റിപ്പോര്‍ട്ട് ചെയ്തു.
തീപിടിത്തത്തില്‍ ആര്‍ക്കും പരിക്കേറ്റിട്ടില്ല. പ്രിന്‍സിപ്പാളിന്‍റെയും ടീച്ചര്‍മാരുടെയും ഉള്‍പ്പെടെ രണ്ട് മുറികള്‍ കത്തി നശിച്ചു. തുടര്‍ന്ന് നടത്തിയ അന്വേഷണത്തില്‍ അടുത്തിടെ യുവാവിന്റെ പ്രതിശ്രുത വധു വാര്‍ഷിക പരീക്ഷകളില്‍ തോറ്റതായി കണ്ടെത്തി.സ്‌കൂളില്‍ വലിയ തീപിടിത്തമുണ്ടായെന്ന വിവരം ലഭിച്ച ഉടനെ ക്രിമിനല്‍ ഇന്‍വെസ്റ്റിഗേഷന്‍ സംഘവും ഈജിപ്ത് സിവില്‍ ഡിഫന്‍സും സ്ഥലത്തെത്തിയിരുന്നു.
സിവില്‍ ഡിഫന്‍സ് സംഘം ഉടന്‍ തന്നെ തീ നിയന്ത്രണവിധേയമാക്കി. വിശദമായ അന്വേഷണത്തിലും തുടര്‍ന്ന് നടന്ന ചോദ്യം ചെയ്യലിലും പ്രതിയായ യുവാവ് കുറ്റം സമ്മതിച്ചു. പ്രതിശ്രുത വധു പരീക്ഷയില്‍ തോറ്റതിന് പ്രതികാരമായാണ് സ്കൂളിന് തീയിട്ടതെന്ന് ഇയാള്‍ പറഞ്ഞു.
https://www.facebook.com/Malayalivartha
