അമേരിക്കയുടെ ചാന്ദ്രദൗത്യ വാഹനമായ ആര്‍ട്ടിമീസ്-1 ശനിയാഴ്ച ഫ്‌ളോറിഡയിലെ കെന്നഡി സ്‌പേസ് സെന്ററില്‍ നിന്ന് വിക്ഷേപിക്കുമെന്ന് നാസ അറിയിച്ചു. ശനിയാഴ്ച ഉച്ചയ്ക്ക് 2:17-ന്(അമേരിക്കന്‍ സമയം) വിക്ഷേപണത്തിനുള്ള രണ്ട് മണിക്കൂര്‍ അവസാന കൗണ്ട്ഡൗണ്‍ തുടങ്ങും.

പേടകത്തില്‍ ഹൈഡ്രജന്‍ ചോര്‍ച്ച കണ്ടെത്തിയതിനെ തുടര്‍ന്ന് ഓഗസ്റ്റ് 29-ന് നടത്താന്‍ നിശ്ചയിച്ചിരുന്ന വിക്ഷേപണം മാറ്റിവച്ചിരുന്നു. സ്‌പേസ് ലോഞ്ച് സിസ്റ്റം എന്ന റോക്കറ്റ് വഹിക്കുന്ന ആര്‍ട്ടിമീസ് ദൗത്യ പേടകത്തില്‍ ബഹിരാകാശ വസ്ത്രം ധരിച്ച മൂന്ന് പാവകള്‍ യാത്രികര്‍ക്ക് പകരം സഞ്ചരിക്കും.

ചന്ദ്രനിലേക്കുള്ള മനുഷ്യ ദൗത്യങ്ങള്‍ പുനരാംഭിക്കുന്നതിന് മുന്നോടിയായുള്ള പഠനത്തിനായാണ് ഈ നീക്കം നാസ നടത്തുന്നത്.