വിമാന വാഹിനി കാപ്പലുകളില് നിന്ന് ഫൈറ്റര് ജെറ്റ് വിമാനങ്ങള് പറത്താന് ആളില്ല; എല്ലാ കള്ളവും പൊളിഞ്ഞു
വിമാന വാഹിനി കാപ്പലുകളില് നിന്ന് ഫൈറ്റര് ജെറ്റ് വിമാനങ്ങള് പറത്താന് പീപ്പിള്സ് ലിബറേഷന് ആര്മി നേവി പരിശീലനം ലഭിച്ച പൈലറ്റുമാരെ കണ്ടെത്താന് പാടുപെടുന്നു. ജെ 15 ജെറ്റ് വിമാനങ്ങള് പറത്തുന്നതിനാവശ്യമായ പരിശീലനം ലഭിച്ച പൈലറ്റുമാരെ കണ്ടെത്താനാണ് ബുദ്ധിമുട്ടുന്നതെന്ന് ചൈനീസ് മിലിറ്ററി മാഗസിനായ ഓര്ഡനന്സ് ഇന്ഡസ്ട്രി സയന്സ് ടെക്നോളജിയില് പ്രസിദ്ധീകരിച്ച ലേഖനത്തില് പറയുന്നു.
പൈലറ്റുമാര്ക്ക് പരിശീലനം നല്കുവാന് ചൈന ജൂണില് രണ്ട് വിമാനവാഹിനി കപ്പലുകള് കമ്മീഷന് ചെയ്തിരുന്നു. പീപ്പിള്സ് ലിബറേഷന് ആര്മി നേവി (ജഘഅച) യുടെ നേതൃത്വത്തില് വിമാനവാഹിനി കപ്പലുകളില് നിന്ന് ജെ 15 ഫൈറ്റര് ജെറ്റ് പറത്താന് വൈദഗ്ധ്യമുളള പൈലറ്റുമാരെ കണ്ടെത്താനുളള അന്വേഷണങ്ങള് പൂര്ണമായി വിജയിച്ചിട്ടില്ല. പുതിയതായി കമ്മീഷന് ചെയ്ത വിമാനവാഹിനി കപ്പലായ ലിയോണിംഗില് നിന്ന് ഫൈറ്റര് ജെറ്റുകള് പറത്താനുള്ള പരിശീലന പരിപാടികള് ആരംഭിച്ചിട്ടുണ്ട്. എന്നാല് ഫൈറ്റര് ജെറ്റുകള് പറത്തുന്നതിന് പരിശീലനം നല്കാന് അനുഭവപരിചയമുള്ള ട്രെയിനറെ ലഭിക്കാത്തത് മൂലം പാടുപെടുകയാണെന്ന് മാഗസിനിലെ മറ്റൊരു ലേഖനം ചൂണ്ടിക്കാട്ടുന്നു.
അത്യാധുനിക സംവിധാനത്തോട് കൂടി നിര്മ്മിച്ച ചൈനയുടെ മൂന്നാമത്തെ വിമാനവാഹിനി കപ്പലായ ഫ്യൂജിയാനില് 130 ഫൈറ്റര് ജെറ്റുകള് പറത്താന് ആവശ്യമായ 200 ഓളം പൈലറ്റുമാരെ ആവശ്യമാണെന്ന് ബീജിംഗിലെ നാവിക സേനാ വിദഗ്ധന് ലി ജി പറഞ്ഞു. ഫ്യുജിയാന് വിമാനവാഹിനി കപ്പല് അമേരിക്കന് സൂപ്പര് കരിയര് ജെറാള്ഡ് ആര് ഫോര്ഡിലേതിന് സമാനമായ അത്യാധുനിക സാങ്കേതിക സംവിധാനത്തോടെയുള്ള വൈദുതികാന്തിക കാറ്റപ്പാള്ട്ടുകളോടെയാണ് നിര്മ്മിച്ചിരിക്കുന്നത്.
ചൈനയുടെ ആദ്യത്തെ രണ്ടു കാരിയറുകളില് സ്കീ ജബ് ഡിസൈനുകള് ഉള്ളതിനാല് നാവികസേനയ്ക്ക് പുതിയ വിമാനങ്ങള് പറത്താനും തിരിച്ചിറക്കാനും കൂടുതല് പരിശീലനം ആവശ്യമാണ്.അമേരിക്കന് നാവിക സേനയുടെ ശക്തിക്ക് സമാനമായ രീതിയില് വിമാനവാഹിനി കപ്പലുകള് നിര്മ്മിക്കാനാണ് ചൈന പദ്ധതി ഇടുന്നതെന്നാണ് മാദ്ധ്യമ റിപ്പോര്ട്ടുകള്.
ചൈനയുടെ വര്ദ്ധിച്ച് വരുന്ന ആക്രമണങ്ങളെ ചെറുക്കാനൊരുങ്ങി ലോകരാജ്യങ്ങള്. സൈനിക സഹകരണം വര്ദ്ധിപ്പിക്കാന് അമേരിക്ക, ഓസ്ട്രേലിയ, ജപ്പാന് എന്നീ രാജ്യങ്ങളുടെ പ്രതിരോധമന്ത്രിമാര് പങ്കെടുത്ത ചര്ച്ചയില് തീരുമാനമായി.
തായ്വാന് കടലിടുക്കിലും സമീപ പ്രദേശങ്ങളിലും ചൈനയുടെ കടന്നുകയറ്റം വര്ദ്ധിക്കുകയാണ്. ചൈനയുടെ ഭീഷണിപ്പെടുത്തുന്ന തരത്തിലുള്ള പെരുമാറ്റത്തില് അമേരിക്ക ആശങ്കാകുലരാണെന്നും യുഎസ് പ്രതിരോധ സെക്രട്ടറി ലോയ്ഡ് ഓസ്റ്റിന് പറഞ്ഞു.
ഇന്ഡോപസഫിക് മേഖലയില് വര്ദ്ധിച്ചുവരുന്ന ആക്രമണങ്ങളെ കുറിച്ച് ഓസ്ട്രേലിയന് മന്ത്രി റിച്ചാര്ഡ് മാര്ലെസ് വ്യക്തമാക്കി. ചൈനയ്ക്ക് അനുകൂലമായ രീതിയില് പ്രദേശത്തെ രൂപപ്പെടുത്താനുള്ള ശ്രമങ്ങള് നടത്തുന്നതായും മന്ത്രി ആശങ്ക പ്രകടിപ്പിച്ചു.
മേഖലയില് ചൈനയുടെ തന്ത്രപരമായ കടന്നാക്രമണത്തെ ചെറുക്കുന്നതില് അമേരിക്ക സമ്മര്ദ്ദം ചെലുത്തുന്നതായും ലോക നേതാക്കള് വ്യക്തമാക്കി. ഈ പശ്ചാത്തലത്തിലാണ് ലോക നേതാക്കള് ചെറുത്ത് നില്പ്പിന് ഒരുങ്ങുന്നത്. ഏഷ്യയിലുടനീളം ഭയവും മടിയും കൂടാതെ തങ്ങള് പ്രവര്ത്തിക്കുമെന്ന് യുഎസ് വൈസ് പ്രസിഡന്റ് കമലാ ഹാരീസ് വ്യക്തമാക്കി.
https://www.facebook.com/Malayalivartha