തുര്ക്കിയിലെ ഇസ്താംബൂള് നഗരമദ്ധ്യത്തില് വന് സ്ഫോടനം... സ്ഫോടനത്തില് നാല് പേര് കൊല്ലപ്പെട്ടു, നിരവധി പേര്ക്ക് പരുക്ക്
തുര്ക്കിയിലെ ഇസ്താംബൂള് നഗരമദ്ധ്യത്തിലുണ്ടായ സ്ഫോടനത്തില് നാല് പേര് കൊല്ലപ്പെട്ടു. നിരവധി പേര്ക്ക് പരിക്കേറ്റതായാണ് വിവരം. ജനനിബിഡമായ വിനോദ സഞ്ചാര കേന്ദ്രമായ ഇസ്തിക്ളാല് തെരുവില് പ്രാദേശിക സമയം നാല് മണിയോടെയാണ് സ്ഫോടനമുണ്ടായത്.
നിരവധി കച്ചവട സ്ഥാപനങ്ങളും റെസ്റ്റോറന്റുകളും ഉള്ളതിനാല് ടൂറിസ്റ്റുകളും സ്വദേശികളെയും കൊണ്ട് നിറഞ്ഞ തെരുവില് നിന്നും ഉഗ്ര ശബ്ദത്തോടെ തീഗോളമുയരുന്നതിന്റെ വീഡിയോ ദൃശ്യം സോഷ്യല് മീഡിയയില് പ്രചരിക്കുന്നുണ്ട്. സ്ഫോടനത്തിന് പിന്നിലെ കാരണം ഇത് വരെ വ്യക്തമായിട്ടില്ല.
ചാവേര് ആക്രമണമെന്നാണ് സംശയം. സ്ഫോടനസ്ഥലത്ത് നിന്നും പരിക്കേറ്റവരെ മാറ്റുന്നതിന്റെ ദൃശ്യങ്ങള് പ്രാദേശിക മാദ്ധ്യമങ്ങള് റിപ്പോര്ട്ട് ചെയ്തിട്ടുണ്ട്. സ്ഫോടനത്തിന് പിന്നാലെ ഒരു മണിക്കൂറോളം തുര്ക്കിയിലെ ചാനലുകള്ക്ക് സംപ്രേഷണ വിലക്ക് ഏര്പ്പെടുത്തിയതായാണ് വിവരം.
2015നും 2016നുമിടയില് ഇസ്ലാമിക് സ്റ്റേറ്റ് ഗ്രൂപ്പുകള് സമാനമായ രീതിയില് സ്ഫോടന പരമ്പര നടത്തിയിട്ടുള്ള പ്രദേശമാണ് ഇസ്തിക്ളാല് തെരുവ് .
https://www.facebook.com/Malayalivartha
