ഫ്രഞ്ച് ജ്യോതിഷിയായ നോസ്ട്രഡാമസിന്റെ പ്രവചനങ്ങള്‍ സത്യമാകുമോ എന്ന ഭയത്തിലാണ് ലോക ജനത ഇപ്പോള്‍. ഇനിയുള്ള രണ്ട് മാസക്കാലം എന്തും സംഭവിക്കാമെന്നാണ് കരുതുന്നത്. നോസ്ട്രഡാമസ് പറഞ്ഞ കാര്യങ്ങള്‍ പ്രകാരം വലിയ ദുരന്തങ്ങള്‍ ഭൂമിക്ക് സംഭവിക്കാം. ലോകമഹായുദ്ധം തന്നെ സംഭവിക്കാം.

ഹിറ്റ്ലറുടെ കടന്നു വരവ്, സെപ്റ്റംബർ 11 ഭീകരാക്രമണം, കെന്നഡി വധം, ഫ്രഞ്ച് വിപ്ലവം എന്നിങ്ങനെ ലോകഗതിയെ മാറ്റി മറിച്ച നിരവധി സംഭവങ്ങൾ ഏറെക്കുറെ കൃത്യമായി പ്രവചിച്ച ഫ്രഞ്ച് ജ്യോതിഷ പ്രവാചകനായിരുന്നു നോസ്ട്രഡാമസ്. പതിനാറാം നൂറ്റാണ്ടിൽ ഫ്രാൻസിൽ ജീവിച്ചിരുന്ന നോസ്ട്രഡാമസ്, ഓരോ വർഷവും നടക്കാൻ പോകുന്ന പ്രധാന സംഭവങ്ങൽ ‘ലെ പ്രൊഫെറ്റിയസ്‘ എന്ന തന്റെ പുസ്തകത്തിൽ പ്രവചിക്കുന്നുണ്ട്. ലോകാവസാനം വരെയുള്ള 6,338 സംഭവങ്ങളാണ് ഇത്തരത്തിൽ നോസ്ട്രഡാമസ് പ്രവചിച്ചിരിക്കുന്നത്.

3997 വര്‍ഷം വരെയുള്ള കാര്യങ്ങളാണ് അദ്ദേഹം പ്രവചിച്ചിരിക്കുന്നത്. നേരത്തെ ബള്‍ഗേറിയന്‍ ജ്യോതിഷിയായ ബാബ വംഗയുടെ പ്രവചനങ്ങളിലും ഇക്കാര്യങ്ങള്‍ പറയുന്നുണ്ട്. എന്നാല്‍ ബാബ വംഗയ്ക്കും എത്രയോ നൂറ്റാണ്ടുകള്‍ മുമ്പ് നോസ്ട്രഡാമസ് പ്രവചിച്ച കാര്യങ്ങളാണിത്. ഇതിനോടകം എണ്ണൂറില്‍ അധികം പ്രവചനങ്ങള്‍ നോസ്ട്രഡാമസിന്റേതായി സത്യമായിട്ടുണ്ട്.

കൊറോണ വൈറസ് വ്യാപനം ഉൾപ്പെടെ പ്രവചിച്ച നോസ്ട്രഡാമസിന്റെ കാഴ്ചപ്പാടിൽ, 2023ൽ സംഭവിക്കാൻ പോകുന്നു എന്ന് കരുതപ്പെടുന്ന പ്രധാനപ്പെട്ട സംഭവങ്ങൾ ഏതെന്ന് നോക്കാം.

1. ലോകമഹായുദ്ധം- ഈ വർഷം ഒരു മഹായുദ്ധമുണ്ടാകുമെന്നാണ് നോസ്ട്രഡാമസിന്റെ പ്രവചനം. ഇത് ഒരുപക്ഷേ ഒരു ലോകമഹായുദ്ധമായിരിക്കാം എന്നും നോസ്ട്രഡാമസ് പ്രവചിക്കുന്നു. റഷ്യ- യുക്രെയ്ൻ സംഘർഷങ്ങൾ തുടരുന്ന പശ്ചാത്തലത്തിൽ നോസ്ട്രഡാമസിന്റെ പ്രവചനങ്ങൾ സത്യമാകുമെന്ന് അദ്ദേഹത്തിന്റെ ആരാധകർ വിശ്വസിക്കുന്നു.

2. പുതിയ മാർപ്പാപ്പ- ഫ്രാൻസിസ് മാർപ്പായ്‌ക്ക് പുതിയ പിൻഗാമി ഈ വർഷം ഉണ്ടായേക്കാമെന്ന് നോസ്ട്രഡാമസ് പ്രവചിച്ചിരിക്കുന്നു. ഫ്രാൻസിസ് മാർപ്പാപ്പയായിരിക്കും അവസാനത്തെ യഥാർത്ഥ മാർപ്പപ്പയെന്നും, അദ്ദേഹത്തിന്റെ പിൻഗാമി ഒരു വലിയ വിവാദത്തിൽ അകപ്പെടുമെന്നും പ്രവചനത്തിൽ പറയുന്നു.

3. പുതിയ ലോകസഖ്യം‌- ലോക ചരിത്രത്തിന്റെ ഗതി നിർണ്ണയിക്കുന്ന ഒരു ആഗോള സഖ്യം ഈ വർഷം ഉണ്ടാകും. ശക്തമായ ഒരു രാജ്യവും താരതമ്യേന ദുർബലമായ മറ്റൊരു രാജ്യവും തമ്മിലാകും ഈ സഖ്യം. ചിലപ്പോൾ ഒരു പുരുഷ നേതാവും വനിതാ നേതാവും തമ്മിലായിരിക്കാം ഈ സഖ്യം. എന്നാൽ ഈ സഖ്യത്തിന്റെ നേട്ടങ്ങൾ അധികകാലം നീണ്ടു നിൽക്കാൻ ഇടയില്ല.

4. ആഗോള താപനം- 2023ൽ അന്തരീക്ഷ താപനില വീണ്ടും ഉയരും. സമുദ്രജലനിരപ്പ് ഉയരുന്നതിന് ഇത് കാരണമാകും.

5. ഭീകരവാദി ആക്രമണങ്ങൾ- 20323ൽ ചെറുതും വലുതുമായ നിരവധി ഭീകരാക്രമണങ്ങൾ തുടരും. ആക്രമണങ്ങളിൽ പൊറുതി മുട്ടിയ ജനസമൂഹങ്ങൾ തിരിച്ചടിക്കുമെന്നും നോസ്ട്രഡാമസ് പ്രവചിക്കുന്നു.

ഇന്ത്യയുടെ മുന്‍ പ്രധാനമന്ത്രിമാരായ ഇന്ദിരാ ഗാന്ധിയുടെയും രാജീവ് ഗാന്ധിയുടെയും മരണം എങ്ങനെയായിരിക്കുമെന്ന് നോസ്ട്രഡാമസ് പ്രവചിച്ചിരുന്നു. ഇരുവരും വധിക്കപ്പെടുമെന്നാണ് പ്രവചിച്ചത്. നൂറ്റാണ്ടുകള്‍ക്ക് മുമ്പേ തന്നെ ഇന്ത്യയില്‍ പ്രധാനമന്ത്രിയായി നരേന്ദ്ര മോദിയെത്തുമെന്നും അദ്ദേഹം പ്രവചിച്ചിട്ടുണ്ട്. ഇവരുടെയൊന്നും പേരുകളല്ല പ്രവചിച്ചത്. മറിച്ച് ഇവരുടെ സ്വഭാവത്തോട് ചേര്‍ന്ന് വരുന്ന കാര്യങ്ങളാണ് നോസ്ട്രഡാമസ് പ്രവചിച്ചിരിക്കുന്നത്. ഇന്ത്യയുടെ കാര്യത്തില്‍ അത്തരം നിരവധി കാര്യങ്ങളാണ് യാഥാര്‍ത്ഥ്യമായി വന്നത്.