വിഖ്യാത മാധ്യമപ്രവര്‍ത്തകയും അമേരിക്കന്‍ ടെലിവിഷന്‍ ന്യൂസ് പ്രക്ഷേപണ ചരിത്രത്തിലെ ആദ്യ വനിതാ ആങ്കറുമായ ബാര്‍ബറ വാള്‍ട്ടേഴ്‌സ് അന്തരിച്ചു...
വിഖ്യാത മാധ്യമപ്രവര്‍ത്തകയും അമേരിക്കന്‍ ടെലിവിഷന്‍ ന്യൂസ് പ്രക്ഷേപണ ചരിത്രത്തിലെ ആദ്യ വനിതാ ആങ്കറുമായ ബാര്‍ബറ വാള്‍ട്ടേഴ്‌സ് അന്തരിച്ചു. 93 വയസ് ആയിരുന്നു. 1961 മുതല്‍ എന്‍ബിസിയിലെ 'ടുഡേ' എന്ന സായാഹ്ന വാര്‍ത്താപരിപാടിയില്‍ അവതാരകയായിരുന്ന വാള്‍ട്ടേഴ്‌സ് സെലിബ്രിറ്റികളുമായും ലോകനേതാക്കളുമായും അഭിമുഖം നടത്തിയാണ് പ്രശസ്തി ആര്‍ജിച്ചത്.
മാധ്യമരംഗത്ത് പുരുഷമേധാവിത്വം നിറഞ്ഞ് നിന്ന 1970-കളില്‍ ഒരു മില്യണ്‍ ഡോളര്‍ വാര്‍ഷിക പ്രതിഫലം വാങ്ങി എബിസി ചാനലിലെ ടോക്ക് ഷോയില്‍ സഹ അവതാരകയായി എത്തി വാള്‍ട്ടേഴ്‌സ് ചരിത്രം സൃഷ്ടിച്ചു.
പലപ്പോഴും സഹ അവതാരകന്മാരായ പുരുഷ ജീവനക്കാര്‍ വാള്‍ട്ടേഴ്‌സിനെ അവഗണിക്കുകയും ലൈവ് പ്രക്ഷേപണ സമയത്ത് അവഹേളിക്കുകയും ചെയ്തിട്ടുണ്ട്.
സെലിബ്രിറ്റി അഭിമുഖങ്ങളില്‍ നിസാരവും നിലവാരമില്ലാത്തതുമായി ചോദ്യങ്ങള്‍ ഉന്നയിക്കുന്നുവെന്ന ആക്ഷേപവും വാള്‍ട്ടേഴ്‌സ് നേരിട്ടിരുന്നു.
ഇത്തരം പ്രതിസന്ധികളെയെല്ലാം അതിജീവിച്ച്, അമേരിക്കന്‍ ടെലിവിഷനിലെ ഏറ്റവും പരിചിതമായ മുഖമായി മാറാന്‍ വാള്‍ട്ടേഴ്‌സിന് സാധിച്ചു. സംസാരിക്കുമ്പോള്‍ ചില അക്ഷരങ്ങള്‍ ഉരുവിടാനുള്ള ബുദ്ധിമുട്ട് അവഗണിച്ചാണ് വാള്‍ട്ടേഴ്‌സ് മാധ്യമലോകം കീഴടക്കിയത്.
" f
https://www.facebook.com/Malayalivartha
