സിറിയയിൽ വിമാനത്താവളത്തിന് നേരെ മിസൈലാക്രമണം .സിറിയൻ തലസ്ഥാനമായ ദമാസ്‌കസ് വിമാനത്താവളത്തിന് നേരെ ആണ് മിസൈലാക്രമണം ഉണ്ടായിരിക്കുന്നത്. പുലർച്ചെ രണ്ട് മണിയോടെയാണ് ആക്രമണം ഉണ്ടായത്. സംഭവത്തിൽ 4 പേർ കൊല്ലപ്പെട്ടാതായാണ് വിവരം. രണ്ട് സൈനികരും രണ്ട് നാട്ടുകാരുമാണ് കൊല്ലപ്പെട്ടത്. ആക്രമണത്തിൽ രണ്ട് പേർക്ക് പരിക്കേൽക്കുകയും ചെയ്‌ട്ടുണ്ടെന്നും വിവരമുണ്ട്.

മിസൈലാക്രമണത്തിൽ വിമാനത്താവളത്തിന്റെ ഒരുഭാഗം പൂർണമായി തകർന്നു. ഈ ആക്രമണം ഉണ്ടായ പിന്നാലെ തന്നെ വിമാനത്താവളം അടച്ചു.അതേസമയം, ഇപ്പോൾ ഉണ്ടായ ഈ മിസൈലാക്രമണത്തിന് പിന്നിൽ ഇസ്രയേലാണെന്ന് സിറിയയുടെ ആരോപണം.എന്നാൽ ഈ ആരോപണത്തോട് ഇസ്രയേൽ ഇതുവരെ പ്രതികരിച്ചിട്ടില്ല. കഴിഞ്ഞ ഏഴ് മാസത്തിനിടെ രണ്ടാം തവണയാണ് ഈ വിമാനത്താവളത്തിൽ മിസൈൽ പതിക്കുന്നത്. ജൂൺ പത്തിന് ദമാസ്‌കസ് അന്താരാഷ്ട്ര വിമാനത്താവളത്തിൽ ഉണ്ടായ ആക്രമണത്തിൽ റൺവേകൾക്കും കാര്യമായ കേടുപാടുകൾ സംഭവിച്ചിരുന്നു.

അന്ന് രണ്ടാഴ്ചത്തേക്കാണ് വിമാനത്താവളം അടച്ചിട്ടത്. സെപ്തംബറിൽ സിറിയയിലെ വടക്കൻ നഗരമായ അലപ്പോയിലെ അന്താരാഷ്ട്ര വിമാനത്താവളത്തിൽ ആക്രമണം ഉണ്ടായി. ഇതിനുപിന്നാലെ ദിവസങ്ങളോളം സർവീസ് നിർത്തിവച്ചിരുന്നു. കഴിഞ്ഞ കുറച്ച് വര്‍ഷങ്ങളായി ഇസ്രായേല്‍ നൂറകണക്കിന് ആക്രമണപരമ്പരകളാണ് സിറിയയെ ലക്ഷ്യമാക്കി നടത്തിയിരിക്കുന്നത്.