പൊലീസ് റിക്രൂട്ട്മെൻ്റ് ടെസ്റ്റിനായി പാകിസ്താനിലെ സ്റ്റേഡിയത്തിൽ വൻ ജനക്കൂട്ടം ഒഴുകിയെത്തി. അതായത് റെസ്റ്റിനായി തടിച്ചുകൂടിയത് 30,000 പേർ. ഇസ്ലാമാബാദിലെ ഒരു സ്റ്റേഡിയമാണ് എഴുത്തുപരീക്ഷക്കെത്തിയ ആൾക്കാരെക്കൊണ്ട് തിങ്ങിനിറഞ്ഞിരിക്കുന്നത്. എന്നാൽ ആകെ 1167 ഒഴിവുകൾ മാത്രമേ ഉണ്ടായിരുന്നുള്ളൂ.

അൽ ജസീറയാണ് റിപ്പോർട്ട് പുറത്തുവിട്ടിരിക്കുന്നത്. പാകിസ്താനിലെ 31 ശതമാനം യുവാക്കളും തൊഴിൽരഹിതരാണെന്നാണ് കണക്ക് ചൂണ്ടിക്കാണിക്കുന്നത്. ഇവരിൽ 51 ശതമാനം സ്ത്രീകൾക്കും 16 ശതമാനം പുരുഷന്മാർക്കും ബിരുദമുണ്ട്.