പ്രവചനങ്ങൾ നടത്തി ജനങ്ങളെ അമ്പരപ്പിച്ച ലോകപ്രസിദ്ധയാണ് ബൾഗേറിയൻ സന്യാസിനി ബാബാ വാം​ഗ. ബാബാ വാം​ഗയുടെ പ്രവചനങ്ങൾ മുൻപ് പല തവണ സമൂഹമാധ്യമങ്ങളിൽ വൈറലായിട്ടുണ്ട്. അവർ ഇപ്പോൾ ജീവിച്ചിരിപ്പില്ലെങ്കിലും, ലോകം അഭിമുഖീകരിക്കുന്ന പ്രശ്നത്തിൽ ഇനി എങ്ങോട്ടാകും പോക്കെന്നറിയാൻ പലരും ബാബാ വാം​ഗയുടെ പ്രവചനങ്ങൾ ഉറ്റുനോക്കാറുണ്ട്.

അവർ ജീവിച്ചിരുന്നപ്പോൾ നടത്തിയ ഭൂരിഭാ​ഗം പ്രവചനങ്ങളും പിന്നീട് യാഥാർത്ഥ്യമായിരുന്നു. റഷ്യൻ പ്രസിഡൻറിനു നേർക്കുള്ള വധശ്രമവും അൽഷിമേഴ്‌സിനും അർബുദത്തിനുമുള്ള മരുന്ന് കണ്ടെത്തലും അടക്കമുള്ള കാര്യങ്ങൾ 2024-ൽ സംഭവിക്കും എന്നാണ് ബാബ വാം​ഗയുടെ പ്രവചനം. 2024-ൽ റഷ്യൻ പ്രസിഡന്റ് വ്‌ളാഡിമിർ പുടിനെതിരെ സ്വന്തം നാട്ടുകാരിൽ ഒരാൾ വധശ്രമം നടത്തുമെന്നാണ് പ്രവചിച്ചിരിക്കുന്നത്.

യൂറോപ്പിൽ ഭീകരാക്രമണങ്ങൾ വർദ്ധിക്കുമെന്ന മുന്നറിയിപ്പും നൽകിയിട്ടുണ്ടെന്നും റിപ്പോർട്ടുകൾ സൂചിപ്പിക്കുന്നു. ലോകത്തിലെ ഒരു വലിയ രാജ്യം ജൈവായുധങ്ങളുടെ പരീക്ഷണം നടത്തുകയോ അവ ഉപയോഗിച്ച് ആക്രമണങ്ങൾ നടത്തുകയോ ചെയ്യുമെന്നും അവർ സൂചന നൽകിയിട്ടുണ്ട്. 2024-ൽ കടുത്ത സാമ്പത്തിക പ്രതിസന്ധി ലോക സമ്പദ്‌വ്യവസ്ഥയെ പിടിച്ചുലക്കുമെന്നും ബാബ പ്രവചിച്ചിട്ടുണ്ട്.

കടക്കെണി‌ വർധിക്കുന്നതും ലോക രാഷ്ട്രങ്ങൾക്കിടയിലെ സംഘർഷങ്ങളും ഇതിന് ആക്കം കൂട്ടുമെന്നും പ്രവചനത്തിൽ പറയുന്നു. വരാനിരിക്കുന്ന വർഷത്തിൽ ഭയാനകമാം വിധം കാലാവസ്ഥാ വ്യതിയാനവും പ്രകൃതി ദുരന്തങ്ങളും ഉണ്ടാകുമെന്നും ബാബ വാ​ഗ പ്രവചിച്ചിട്ടുണ്ട്. അൽഷിമേഴ്‌സിനും അർബുദത്തിനും 2024-ൽ പുതിയ ചികിത്സാരീതികൾ കണ്ടെത്തും എന്ന ശുഭവാർത്തയും ഈ പ്രവചനങ്ങളിലുണ്ട്.

2024-ൽ ചൂട് റെക്കോഡ് ഭേദിക്കുമെന്നും കണക്കാക്കപ്പെടുന്നു. 1996-ൽ ബാബ വംഗ മരിക്കുമ്പോൾ ഇന്റർനെറ്റ് അതിന്റെ ശൈശവദശയിലായിരുന്നു. എന്നാൽ, അതിനെക്കുറിച്ചും അതിശയിപ്പിക്കുന്ന പ്രവചനങ്ങൾ അവർ നടത്തിയിട്ടുണ്ട്. 2024 ൽ സൈബർ ആക്രമണങ്ങൾ വർധിക്കുമെന്നും വൈദ്യുതിനിലയങ്ങളെയും ജലശുദ്ധീകരണശാലകളെയും അക്രമികൾ ലക്ഷ്യം വെയ്ക്കുമെന്നും ബാബ പ്രവചിച്ചിട്ടുണ്ട് എന്നാണ് റിപ്പോർട്ടുകൾ വ്യക്തമാക്കുന്നത്. ഇവ അന്താരാഷ്ട്ര സുരക്ഷയെ അപകടത്തിലാക്കുമെന്നും അവർ പ്രവചിച്ചിട്ടുണ്ട്.

ഫ്രഞ്ച് ജ്യോതിഷിയായ നോസ്ട്രഡാമസിന്റെ പ്രവചനങ്ങളുമായി ബന്ധമുള്ള വ്യക്തിയാണ് ബാബ വംഗ. നോസ്ട്രഡാമസിന്റെ പ്രവചനങ്ങൾ നവോത്ഥാന കാലത്തും അതിനുശേഷവും അദ്ദേഹത്തെ പ്രശസ്തനാക്കി. വരാനിരിക്കുന്ന സംഭവ വികാസങ്ങളെ പ്രവചിച്ച് പ്രസിദ്ധയായ ബാബാ വാം​ഗയെക്കുറിച്ച് കൂടുതലറിയാം. വംഗേലിയ പാണ്ഡേവ ​ഗുഷ്ടേരോവ എന്നാണ് ഇവരുടെ യഥാർത്ഥ പേര്. 1911ൽ ബൾ​ഗേറിയയിലായിരുന്നു ജനനം.

ബെലാസിക പർവത താഴ്വരയിലെ റുപീറ്റ ഏരിയയിലായിരുന്നു ജീവിതത്തിന്റെ ഭൂരിഭാ​ഗം സമയവും അവർ ചെലവഴിച്ചത്. 12-ാം വയസിൽ ചുഴലിക്കാറ്റിനെ അതിജീവിച്ചതിന് പിന്നാലെയാണ് വാം​ഗയ്‌ക്ക് കാഴ്ച ശക്തി നഷ്ടപ്പെട്ടതെന്നും അതല്ല, അവർ ജന്മനാ അന്ധയായിരുന്നുവെന്നും വാ​ദങ്ങളുണ്ട്. ഇപ്പറഞ്ഞ 12-ാം വയസ് മുതലാണ് വാംഗ ഭാവിയിലെ സംഭവങ്ങൾ ദർശനങ്ങളായി കാണാൻ തുടങ്ങിയതെന്ന് പറയപ്പെടുന്നു.

കൗമാരക്കാലത്ത് നടത്തിയ പല പ്രവചനങ്ങളും പിന്നീട് യാഥാർത്ഥ്യമായപ്പോൾ 1970-80കളിൽ അവർ കിഴക്കൻ യൂറോപ്പിൽ പ്രസിദ്ധയായി. ഡയാന രാജകുമാരിയുടെ വേർപാടും, കുർസ്ക് ദുരന്തവും, സെപ്റ്റംബർ 11 ഭീകരാക്രമണവും പ്രവചിക്കുകയും അതേപടി നടക്കുകയും ചെയ്തതോടെ ബാബാ വാം​ഗയുടെ ജനപ്രതീ വർദ്ധിച്ചു.

നൂറ്റാണ്ടുകൾക്ക് ശേഷം സംഭവിച്ചേക്കാവുന്ന കാര്യങ്ങൾ വരെ അവർ പ്രവചിച്ചു. വാം​ഗയുടെ തുറന്നുപറച്ചിലുകൾ ​ഗവേഷകരെയും ശാസ്ത്രലോകത്തെയും അലോസരപ്പെടുത്തിയിരുന്നു. വാം​ഗയുടെ പ്രവചനങ്ങൾക്കൊപ്പം വിവാദങ്ങളും കത്തിപ്പടർന്നെങ്കിലും ബൾ​ഗേറിയയിലും സമീപരാജ്യങ്ങളും ഒരു സാംസ്കാരിക പ്രതീകമായി വാം​ഗ മാറി.

അവരെക്കുറിച്ച് പുസ്തകങ്ങൾ, ഡോക്യുമെന്ററികൾ, സിനിമകൾ എന്നിവയെല്ലാം പുറത്തുവന്നു. 1996 ഓ​ഗസ്റ്റ് 11ന് 85-ാം വയസിലാണ് അവർ അന്തരിച്ചത്. ബൾ​ഗേറിയയുടെ പ്രവാചകയെന്ന് ബാബാ വാംഗ അറിയപ്പെടുന്നു. വാം​ഗയുടെ വിയോ​ഗത്തിന് ശേഷം പെട്രിച്ച് ടൗണിൽ അവരുടെ പ്രതിമയും സ്ഥാപിക്കപ്പെട്ടിരുന്നു.

5,079 വരെയുള്ള പ്രവചനങ്ങൾ ബാബാ വാം​ഗ നടത്തിയിട്ടുണ്ട്. 5,000 വർഷം പിന്നിടുമ്പോൾ ഭൂമിയില്ലാതാകുമെന്നാണ് വാം​ഗയുടെ പ്രവചനം. മറ്റ് ഗ്രഹങ്ങളിൽ താമസിക്കാൻ മനുഷ്യർ പ്രാപ്തരാകുമെന്നും പ്രവചനമുണ്ട്. വാം​ഗ മരിച്ച് 28 വ‍ർഷങ്ങൾ പിന്നിടുമ്പോഴും അവരുടെ പ്രവചനങ്ങൾ സോഷ്യൽ മീഡിയയിൽ ഇപ്പോഴും വൈറലാണ്.