ബെയ്‌റൂത്തിലെ പേജർ ആക്രമണത്തിന് പിന്നിൽ ഇസ്രയേലാണെന്ന് പ്രധാനമന്ത്രി ബെഞ്ചമിൻ നെതന്യാഹു കഴിഞ്ഞ ദിവസം  വെളിപ്പെടുത്തിയിരുന്നു . ഇതിനു പിന്നാലെ വൻ  ആക്രമണമാണ് ഉണ്ടായിരിക്കുന്നത്.  വടക്കൻ ഇസ്രയേലിൽ റോക്കറ്റുകൾ വിക്ഷേപിച്ച് ഹിസ്ബുള്ള .

നൂറുകണക്കിന് റോക്കറ്റുകൾ വിക്ഷേപിച്ചാണ് ആക്രമണം നടത്തിയതെന്ന് അന്തർദേശീയമാധ്യമങ്ങൾ റിപ്പോർട്ട് ചെയ്യുന്നു. ഒരു വയസ്സുകാരി ഉൾപ്പെടെ ഏഴ് പേർക്ക് പരിക്കേറ്റു . ആക്രമണത്തിന്റെ ഒരു വീഡിയോ ഇസ്രയേൽ ഡിഫൻസ് ഫോഴ്‌സ്   എക്സിൽ പങ്കുവച്ചിട്ടുണ്ട്.

വടക്കൻ ഇസ്രയേൽ ആക്രമണത്തിനിരയായതായും ഹിസ്ബുള്ളയുടെ ആക്രമണത്തിൽ ജനങ്ങളെ സംരക്ഷിക്കുന്നത് തുടരുമെന്നും ഐഡിഎഫ് എക്സിൽ കുറിച്ചു.ഹിസ്ബുള്ള അംഗങ്ങളെ ലക്ഷ്യമിട്ട് ലെബനനിലുടനീളം പേജര്‍ സ്ഫോടനപരമ്പരനടത്താന്‍ താന്‍ അനുമതികൊടുത്തിരുന്നെന്ന് സമ്മതിച്ച് ഇസ്രയേല്‍ പ്രധാനമന്ത്രി ബെഞ്ചമിന്‍ നെതന്യാഹു. സംഭവത്തില്‍ ഇസ്രയേലിന്റെ ഭാഗത്തുനിന്നുണ്ടാകുന്ന ആദ്യ തുറന്നുപറച്ചിലായിരുന്നു ഇത്.