ബംഗ്ലാദേശിലെ ധാക്കയില്‍ നയതന്ത്ര മേഖലയിലെ റസ്റ്റാറന്റില്‍ ഭീകരര്‍ ബന്ദികളാക്കിയവരെ സൈന്യം മോചിപ്പിച്ചു. അഞ്ച് ഭീകരരെ സൈനിക നീക്കത്തില്‍ വധിച്ചു. രണ്ട് അക്രമികളെ പിടികൂടിയതായി റിപ്പോര്‍ട്ട്. രാവിലെ ഏഴരയോടെ നടത്തിയ സൈനിക നീക്കത്തിലാണ് ഭീകരരെ വധിച്ചതെന്ന് ലഫ്റ്റനന്റ് കേണല്‍ തുഹിന്‍ മുഹമ്മദ് മസൂദ് അറിയിച്ചു. 

നൂറോളം വരുന്ന കമാന്‍ഡോ സംഘമാണ് ഭീകരര്‍ താവളമടിച്ച റസ്റ്റാറന്റിലേക്ക് ഇരച്ചുകയറിയത്. വെടിവെപ്പ് നടത്തിയ ഭീകരരെ വധിച്ചാണ് സൈന്യം 20തോളം വരുന്ന ബന്ദികളെ മോചിപ്പിച്ചത്. ആംബുലന്‍സ് അടക്കമുള്ള മുന്‍കരുതല്‍ സൗകര്യങ്ങള്‍ ഒരുക്കിയ ശേഷമായിരുന്നു സൈനിക നടപടി. ഇതോടെ 10 മണിക്കൂര്‍ നീണ്ട അക്രമ സംഭവങ്ങള്‍ക്കാണ് അറുതിയായത്. ഭീകരാക്രമണത്തിന്റെ ഉത്തരവാദിത്തം ഐ.എസ് ഏറ്റെടുത്തു കൊണ്ട് അവരുമായി ബന്ധമുള്ള വാര്‍ത്താ ഏജന്‍സി അമഖ് ട്വീറ്റ് ചെയ്തു. 20 പേരെ കൊലപ്പെടുത്തിയെന്നാണ് ഐ.എസ് അവകാശപ്പെടുന്നത്. 

വെള്ളിയാഴ്ച രാത്രി 9.20ഓടെയാണ് റസ്റ്റാറന്റിനുള്ളിലേക്ക് ഇരച്ചു കയറിയ ഭീകരര്‍ രണ്ടു പൊലീസ് ഉദ്യോഗസ്ഥര്‍ കൊല്ലപ്പെടുത്തിയത്. വെടിവെപ്പില്‍ 27 പൊലീസുകാരും ഒരു സിവിലിയനും ഉള്‍പ്പെടെ 28 പേര്‍ക്ക് പരിക്കേറ്റു. 20 വിദേശികള്‍ ഉള്‍പ്പെടെയുള്ളവരെ അക്രമികള്‍ ബന്ദികളാക്കിയത്. ബന്ദികളില്‍ ഏഴ് ഇറ്റാലിയന്‍ പൗരന്മാരും ഉള്‍പ്പെടുന്നു. 

വിവിധ രാജ്യങ്ങളുടെ നയതന്ത്ര കാര്യാലയങ്ങള്‍ സ്ഥിതി ചെയ്യുന്ന ഗുല്‍ഷന്‍ മേഖലയിലാണ് എട്ടംഗ സായുധ ഭീകരസംഘം ആക്രമണം നടത്തിയത്. ഹോലെ ആര്‍ട്ടിസാന്‍ ബേക്കറി എന്ന റസ്റ്റാറന്റില്‍ ഇരച്ചുകയറിയ ആക്രമികള്‍ ബോബെറിഞ്ഞ് ഭീകരാന്തരീക്ഷം സൃഷ്ടിച്ച ശേഷം വെടിയുതിര്‍ക്കുകയായിരുന്നു. വിദേശികളും നയതന്ത്ര പ്രതിനിധികളും സമ്പന്നരും എത്തുന്ന കഫേയാണിത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha