നിയുക്ത അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ കാഡിലാക്ക് വണ്‍ എന്ന സൂപ്പര്‍കാര്‍ അമേരിക്കന്‍ 'ഇനോഗ്രേഷന്‍' ഡേയില്‍ നിരത്തിലിറക്കും. മുന്‍ പ്രസിഡന്റുമാര്‍ ഉപയോഗിച്ചിരുന്ന വാഹനങ്ങളെക്കാളും വന്യതയും സവിശേഷതകളും ഉള്‍ക്കൊള്ളിച്ചുകൊണ്ടുള്ള കാറാണ് കാഡിലാക്ക്.

ടിയര്‍ ഗ്യാസ് ക്യാനോന്‍സുകളും കൈത്തോക്കുകളും പ്രസിഡന്റിന്റെ രക്തം നിറച്ച ബാഗുകളും കാറില്‍ ഉണ്ടാകും. കാറിന്റെ വാതിലുകളും ജനാലകളും ബുള്ളറ്റ് പ്രൂഫോട് കൂടിയതും രാസആണവ ആക്രമണങ്ങളെ ചെറുക്കുന്നതുമാണ്. റോഡുകളിലെ ടോള്‍ നല്‍കാന്‍ ഡ്രൈവര്‍ക്ക്മാത്രമേ സാധിക്കൂ എന്നും ഈ കാറിന്റെ നിയമാവലിയില്‍ പറയുന്നു.ജനറല്‍ മോട്ടോഴ്‌സിന് 15 മില്യണ്‍ ഡോളറാണ് അമേരിക്ക കാറിനായി നല്കിയിരിക്കുന്നത്. അപ്പോള്‍ തന്നെ ഊഹിക്കാവുന്നതിലും അധികമാണ് സംവിധാനങ്ങള്‍. എന്നാല്‍ മുകളില്‍ പറഞ്ഞതിനേക്കാള്‍ അധികം സുരക്ഷാസംവിധാനങ്ങള്‍ കാറില്‍ സജ്ജീകരിച്ചിട്ടുണ്ട്. അത് പൊതുവായി പരസ്യമാക്കിയിട്ടില്ല.2014ല്‍ തന്നെ അമേരിക്കയുടെ സീക്രട്ട് സര്‍വീസ് ഏജന്‍സി കാര്‍ റീപ്ലേസ് ചെയ്യണമെന്ന് ആവശ്യപ്പെട്ടിരുന്നു, അതിനാലാണ് ഇപ്പോള്‍ പുതിയ മോഡല്‍ കാര്‍ തയ്യാറാക്കിയിരിക്കുന്നത്. കറുപ്പും വെള്ളിയും ചേര്‍ന്ന നിറമാണ് കാറിന് നല്‍കിയിരിക്കുന്നത്. കാറിന്റെ ആകെ ഭാരം 4.5 ടണ്ണാണ്.

അമേരിക്കന്‍ പ്രസിഡന്റ് ഏതു രാജ്യത്തു സന്ദര്‍ശനം നടത്തിയാലും ഈ കാര്‍ വിമാനത്തില്‍ ഒപ്പം കൊണ്ടുപോകും. ഏത് കാലാവസ്ഥയിലും യാത്ര സുഖമമാക്കുന്നതിന് നൈറ്റ് വിഷന്‍ ക്യാമറകളും ജിപിഎസ്, സാറ്റലൈറ്റ് സംവിധാനങ്ങളും കാറിലുണ്ട്. കാഡിലാക്കിന്റെ ഡോറുകള്‍ക്ക് എട്ട് ഇഞ്ച് ആണ് കനം. ബോയിംഗ് 747 ജെറ്റിന്റെ വാതിലിന് തുല്യമായ ഭാരമുണ്ട്.