അമേരിക്കയുടെ തെക്കു പടിഞ്ഞാറന്‍ പ്രവശ്യകളില്‍ മുതലകള്‍ സര്‍വ്വ വ്യാപികളാണ്. നോര്‍ത്ത് കരോലിനയിലെ ഒരു വീട്ടിലേക്ക് രാത്രിയില്‍ 20 പടികളോളം കയറിയാണ് തുറന്നു കിടന്ന വാതിലിലൂടെരാത്രിയില്‍ 20 പടികളോളം കയറിയാണ്  വിസിറ്റിംങ് റൂം വരെ ഒരു മുതലയെത്തിയത്. 

വിസിറ്റിങ് റൂമില്‍ അസാധാരണമായ ഒച്ചകേട്ടു കള്ളനാണെന്നു പേടിച്ചാണ് വീട്ടുകാര്‍ നോക്കിയത്. അവിടെ മുതലയെ കണ്ടതോടെ വീട്ടുകാര്‍ പേടിച്ചു മുറികളില്‍ കയറി വാതിലടച്ചു. ഉടന്‍തന്നെ വന്യജീവി വകുപ്പിനെ വിവരമറിയിക്കുകയും ചെയ്തു. ഏതാണ്ട് ഒരു മണിക്കൂറോളം അവരെത്തും വരെ മുതലെ ഇതേ മുറിയില്‍ തുടര്‍ന്നു. വല്ലാത്ത അക്രമവാസന പ്രകടിപ്പിച്ച മുതലയെ പണിപ്പെട്ടാണ് വന്യജീവി രക്ഷാസേനയിലെ അംഗങ്ങള്‍ നിയന്ത്രണത്തിലാക്കിയത്.

ഏകദേശം 16 വയസ്സ് തോന്നിക്കുന്ന മുതലയ്ക്ക് 9 അടിയോളം നീളമുണ്ടായിരുന്നു. ഇവര്‍ താമസിക്കുന്ന പ്രദേശത്തു പുതിയതായി പണിത പാലമാണ് മുതലയെ രണ്ടാം നിലയിലെത്തിച്ചതെന്നാണ് നിഗമനം. ഈ പാലം മൂലം ഒരു തടാകത്തില്‍ നിന്നു മറ്റൊരു തടാകത്തിലേക്ക് പോകാനുള്ള മുതലയുടെ മാര്‍ഗ്ഗം തടസ്സപ്പെട്ടതാകാം വഴി തെറ്റി മുതല രണ്ടാം നിലയിലേക്കെത്താന്‍ കാരണം.