ടെന്നീസ് താരമായ പതിനഞ്ചുകാരിയായ മകളെ അമ്മയുടെ കാമുകനായ അധ്യാപകന്‍ തട്ടിക്കൊണ്ടു പോയി തടവില്‍ പാര്‍പ്പിച്ചത് ഒരു മാസം. പെണ്‍കുട്ടി തടവില്‍ നിന്നു രക്ഷപെടാതിരിക്കാന്‍ പൂര്‍ണ നഗ്നയാക്കി ആളൊഴിഞ്ഞ വീട്ടിലാണ് കുട്ടിയെ പാര്‍പ്പിച്ചിരുന്നത്. തന്റെ പത്തുമക്കളെയും ക്രൂരമായി പീഡിപ്പിച്ച് കാമുകനായ അധ്യാപകനു കാഴ്ച വച്ചിരുന്ന ഭാര്യയില്‍ നിന്നു വിവാഹമോചനം ആവശ്യപ്പെട്ട് ഭര്‍ത്താവ് കോടതിയെ സമീപിച്ചു.

സംഭവവുമായി ബന്ധപ്പെട്ട് തട്ടിക്കൊണ്ടു പോകപ്പെട്ട പെണ്‍കുട്ടിയുടെ അധ്യാപകന്‍ ടെഡ് കുമ്മിന്‍സിനെ പൊലീസ് അറസ്റ്റ് ചെയ്തു. കാലിഫോര്‍ണിയ സ്വദേശിയായ ആന്റണിയുടെയും കിംബേര്‍ളി തോമസിന്റെയും പത്തുമക്കളില്‍ ഒരാളായ എലിസബത്ത് തോമസിനെയാണ് കഴിഞ്ഞ മാര്‍ച്ച് 13 നു ടെഡ് കിമ്മണ്‍സ് തട്ടിക്കൊണ്ടു പോയി തടവില്‍ പാര്‍പ്പിച്ചിരുന്നത്. അമ്മയുടെ കാമുകനും, പെണ്‍കുട്ടിയുടെ അധ്യാപകനുമായ ടെഡ് കുമ്മിന്‍സ് കഴിഞ്ഞ അഞ്ചു വര്‍ഷമായി ഇവരുടെ വീട്ടിലെ നിത്യസന്ദര്‍ശകനായിരുന്നു.

ഇവരുടെ വീട്ടിലുണ്ടായിരുന്ന പത്തു കുട്ടികളില്‍ പെണ്‍കുട്ടികളെയും ആണ്‍കുട്ടികളെയും വരെ ഇയാള്‍ ലൈംഗികമായി പീഡിപ്പിച്ചിരുന്നതായി പൊലീസ് പറയുന്നു. കഴിഞ്ഞ ദിവസം ഇയാള്‍ വീട്ടിലെത്തിയപ്പോള്‍ എലിസബത്തിനെ ലൈംഗികമായി പീഡിപ്പിച്ചിരുന്നു. ഇതിനു ഇവര്‍ വിസമ്മതിച്ചതോടെ പെണ്‍കുട്ടിയെ തട്ടിയെടുത്ത ശേഷം പ്രതി സ്ഥലം വിടുകയായിരുന്നു. തുടര്‍ന്നു പെണ്‍കുട്ടിയെയും തട്ടിയെടുത്ത് 2500 മൈല്‍ അകലെയുള്ള റൂറല്‍ കാലിഫോര്‍ണിയയിലെ ആളൊഴിഞ്ഞ ഗ്രാമത്തിലുള്ള വീട്ടില്‍ തടവില്‍ പാര്‍പ്പിക്കുകയായിരുന്നു.

പരാതിയുമായി കുട്ടിയുടെ പിതാവ് രംഗത്ത് എത്തിയതോടെയാണ് പ്രതിയെ കണ്ടെത്തിയ പൊലീസ് സംഘം ഇയാളുടെ പിടിയില്‍ നിന്നു എലിസബത്തിനെ മോചിപ്പിക്കുകയായിരുന്നു. പെണ്‍കുട്ടിയെ കണ്ടെത്തിയതിനെ തുടര്‍ന്നു കുട്ടിയുടെ പിതാവ് ആന്റണി കോടതിയില്‍ അമ്മയ്ക്കെതിരെ പരാതി നല്‍കി. കുട്ടികളെ ശാരീരികമായി ആക്രമിച്ചിരുന്ന കിംബേര്‍ളി തോമസ് മക്കളെ ടെഡ് കുമ്മിന്‍സിനു ലൈംഗികമായി ആക്രമിക്കാന്‍ വിട്ടു നല്‍കുകയായിരുന്നു എന്ന് ആന്റണിയുടെ പരാതിയില്‍ പറയുന്നു.