പോണോഗ്രഫിയേക്കാള്‍ ഏറെ ഗൗരവകരമായ കുറ്റമാണ് കുട്ടികളെ ഉപയോഗിച്ചുള്ള പോണ്‍ വീഡിയോകള്‍. മിക്ക രാജ്യങ്ങളും ചൈല്‍ഡ് പോണോഗ്രഫി നിരോധിച്ചിട്ടുള്ളതുമാണ്. ബന്ധുവായ കുട്ടിയെ ഉപയോഗിച്ച് പോണ്‍ വീഡിയോകള്‍ നിര്‍മ്മിച്ച് പണമുണ്ടാക്കിയ കുറ്റത്തിന് പെട്ടിരിക്കുകയാണ് മുന്‍ സൗന്ദര്യറാണിയായ മേഗന്‍ ബ്രിയന്ന ആള്‍ട്ട് എന്ന യുവതി. ചൈല്‍ഡ് പോണോഗ്രഫിയെന്ന കുറ്റം ചുമത്തിയാണ് മുന്‍ സൗന്ദര്യറാണി കൂടിയായ മേഗന്‍ ബ്രിയന്ന ആള്‍ട്ട് എന്ന ഇരുപത്തിയേഴുകാരിയെ ശിക്ഷിച്ചിരിക്കുന്നത്. നാലുവയസ്സുള്ള ബന്ധുവായ കുട്ടിയെ ഉപയോഗിച്ചാണ് ഇവര്‍ വീഡിയോകള്‍ നിര്‍മ്മിച്ചിരുന്നത്.

ഇത്തരം വീഡിയോകള്‍ ആവശ്യക്കാര്‍ക്ക് എത്തിച്ച് പണവും മറ്റ് ഉപഹാരങ്ങളും ഇവര്‍ നേടിയെന്നാണ് പോലീസ് പറയുന്നത്. മൂന്ന് വര്‍ഷത്തേക്കാണ് കോടതി ഇവരെ ശിക്ഷിച്ചിരിക്കുന്നത്. മാത്രമല്ല 15 ദിവസം സാമൂഹ്യസേവനവും നടത്തണം. സതേണ്‍ കാലിഫോര്‍ണിയക്കാരിയായ മേഗന്‍ മൂന്ന് കുട്ടികളുടെ അമ്മ കൂടിയാണ്. സാന്‍ഡിയാഗോ കൗണ്ടിയില്‍ വെച്ച് നാളുകള്‍ക്ക് ശേഷമുള്ള പോലീസ് നിരീക്ഷണത്തിന് ശേഷമാണ് മേഗന്‍ പിടിക്കപ്പെട്ടത്.

2014ല്‍ മിസ്സിസ്സ് ഓറഞ്ച് കൗണ്ടിയായി മേഗന്‍ തിരഞ്ഞെടുക്കപ്പെട്ടിട്ടുണ്ട്. മാത്രമല്ല അതേവര്‍ഷം തന്നെ മിസ്സിസ്സ് കാലിഫോര്‍ണിയ സൗന്ദര്യമത്സരത്തിലും മേഗന്‍ പങ്കെടുത്തിരുന്നു. സതേണ്‍ കാലിഫോര്‍ണിയിലെ ഇര്‍വിനിലാണ് താമസം. ഓണ്‍ലൈന്‍ വഴി സെക്സ് വില്‍പനയും ഇവര്‍ക്കുണ്ടായിരുന്നതായി അന്വേഷണ ഉദ്യോഗസ്ഥര്‍ പറയുന്നു. ഇടപാടുകാരുമായി സ്വന്തം വീട്ടില്‍ കുട്ടികള്‍ക്ക് മുന്നില്‍ വെച്ചുപോലും ഇവര്‍ ലൈംഗിക ബന്ധത്തിലേര്‍പ്പെട്ടിരുന്നുവെന്നും റിപ്പോര്‍ട്ടുകളുണ്ട്.