പറക്കുന്നതിനിടെ ടയര്‍ നഷ്ടപ്പെട്ട വിമാനം അടിയന്തരമായി നിലത്തിറക്കി. ഫ്‌ലോറിഡയിലാണ് സംഭവം നടന്നത്. ആകാശത്തു നിന്നു തന്നെ ടയര്‍ നഷ്ടമായ വിവരം പൈലറ്റ് മനസ്സിലാക്കിയിരുന്നു. വന്‍ ശബ്ദത്തോടെ റണ്‍വേയില്‍ ഉരസിയാണ് വിമാനം ലാന്‍ഡ് ചെയ്തത്. വിമാനം റണ്‍വേയില്‍ തട്ടി തീ വരുന്നതും വിഡിയോയില്‍ കാണാം.

കഴിഞ്ഞ വെള്ളിയാഴ്ചയാണ് സംഭവം. സരസോട്ട രാജ്യാന്തര വിമാനത്തിലാണ് വിമാനം ലാന്‍ഡ് ചെയ്തത്. ബെലിസില്‍ നിന്ന് ടേക്ക് ഓഫ് ചെയ്ത ചെറിയ വിമാനം പൈലറ്റിന്റെ മുന്‍കരുതല്‍ കൊണ്ടാണ് വിന്‍ ദുരന്തത്തില്‍ നിന്ന് രക്ഷപ്പെട്ടത്.

ടയര്‍ നഷ്ടപ്പെട്ട കാര്യം പൈലറ്റ് അറിഞ്ഞെങ്കിലും ഫ്‌ലോറിഡിയിലേക്ക് തന്നെ യാത്ര തുടരാന്‍ പൈലറ്റ് തീരുമാനിക്കുകയായിരുന്നു. ടയര്‍ നഷ്ടപ്പെട്ട വിവരം എയര്‍പോര്‍ട്ട് അധികൃതരെ അറിയിച്ചിരുന്നു. ഇതിനാല്‍ തന്നെ വന്‍ സുരക്ഷാ സന്നാഹങ്ങള്‍ ഒരുക്കിയിരുന്നു.