ഹോട്ട് പോലീസ് വുമണ്‍. ലോകത്തിലെ ഏറ്റവും സുന്ദരിയായ പൊലീസുകാരിയാര് എന്ന ചോദ്യത്തിനു ഇനി ഒരേ ഒരു ഉത്തരം മാത്രം..! കുറ്റവാളികളുടെയും കുറ്റകൃത്യങ്ങളുടെയും തലസ്ഥാനമായ ബ്രസീലില്‍ നിന്നാണ് ഈ സുന്ദരി പൊലീസുകാരി – ബ്രസീലിലെ റിയോഡി ജനീറോയില്‍ നിന്നുമുള്ള ഹൈവേ പട്രോളിങ് പൊലീസുകാരി മേരി ആഗ് (30) ആണ് മോഡല്‍ പൊലീസുകാരിയായി പട്രോളിങ് സംഘത്തിനൊപ്പം തിളങ്ങുന്നത്.
പ്രതിവര്‍ഷം 60,000 ത്തിലധികം കൊലപാതകങ്ങള്‍ നടക്കുന്ന ബ്രസീലിലെ റിയോഡി ജനീറോയിലെ ഹൈവേയിലാണ് സുന്ദരിയായ ഈ മോഡല്‍ പൊലീസ് ഡ്യൂട്ടിയില്‍ ഏര്‍പ്പെടുന്നത്. ചെറുപ്പകാലം മുതല്‍ മേരിയുടെ ആഗ്രഹമായിരുന്നു പൊലീസില്‍ ജോലി ചെയ്യുക എന്നത്. മോഡലിങ്ങിലില്‍ തിളങ്ങിയപ്പോഴും പൊലീസിലെ ജോലി എന്ന ആഗ്രഹം ഇവര്‍ വിട്ടു കളഞ്ഞില്ല.
ക്രിമിനലുകളും ഗുണ്ടകളും അടക്കിവാഴുന്ന തന്റെ സമുദായത്തെ ആ പിടിയില്‍ നിന്നു രക്ഷിക്കുക എന്നതായിരുന്നു പൊലീസ് ജോലിയിലൂടെ താന്‍ ലക്ഷ്യമിട്ടിരുന്നതെന്നാണ് മേരി ആഗ് പറയുന്നത്.
രാജ്യത്ത് നടക്കുന്ന ആഭ്യന്തര യുദ്ധത്തില്‍പെടുന്ന സാധാരണക്കാരായ ആളുകളെ രക്ഷിക്കലാണ് ഈ പൊലീസ് ജോലിയിലൂടെ തന്റെ ദൗത്യമെന്നു ഇവര്‍ വ്യക്തമാക്കുന്നു. ബ്രസീലിലെ കുപ്രസിദ്ധമായ ഗ്യാങ്ങുകള്‍ വാഴുന്നത് ഇവിടുത്തെ ഹൈവേകളിലാണ്. മോഷണവും, കൊലപാതകവും, കലാപവും അടക്കമുള്ള അക്രമപ്രവര്‍ത്തനങ്ങള്‍ നടക്കുന്നത് രാജ്യത്തെ ഈ ഹൈവേകളിലാണ്.