മാതൃഭുമി അവതാരകനെതിരെ മതസ്പര്ധ വളര്ത്തുന്ന പരാമര്ശം നടത്തിയെന്നാരോപിച്ചെടുത്ത കേസ് എഡിറ്റേഴ്സ് ഗില്ഡ് അപലപിച്ചു
10 JULY 2018 01:32 AM IST
മലയാളി വാര്ത്ത
വാര്ത്താ അവതാരകനായ വേണു ബാലകൃഷ്ണനെതിരേ പോലീസ് കേസെടുത്ത സംഭവത്തെ എഡിറ്റേഴ്സ് ഗില്ഡ് അപലപിച്ചു. മാധ്യമ സ്വാതന്ത്ര്യത്തിനെതിരായ ആക്രമണമാണ് കേസെടുത്തതിലൂടെ നടത്തിയിരിക്കുന്നതെന്ന് എഡിറ്റേഴ്സ് ഗില്ഡ് വിമര്ശിച്ചത്. നിര്ഭാഗ്യകരമായ സംഭവത്തെ കുറിച്ച് കേരളത്തിലെ ഇടത് സര്ക്കാര് പരിശോധിക്കണമെന്നും മാധ്യമ സ്വാതന്ത്ര്യത്തെ ഹനിക്കുന്ന നീക്കങ്ങള് പോലീസ് സ്വീകരിക്കുന്നില്ലെന്ന് സര്ക്കാര് ഉറപ്പാക്കണമെന്നും എഡിറ്റേഴ്സ് ഗില്ഡ് പറഞ്ഞു.
ഉസ്മാന് എന്ന യുവാവിനെ മഫ്തിയിലായിരുന്ന പോലീസ് സംഘം മര്ദിച്ച സംഭവവുമായി ബന്ധപ്പെട്ട് ചാനലില് മതസ്പര്ധ വളര്ത്തുന്ന പരാമര്ശം നടത്തിയെന്നതാണ് വേണുവിനെതിരെയുള്ള കേസ്. ഡിവൈഎഫ്ഐ പ്രവര്ത്തകരുടെ പരാതിയിലാണ് ജാമ്യമില്ലാ വകുപ്പ് അനുസരിച്ച് കേസെടുത്തിരിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
