കുട്ടനാട്ടിലെ വെള്ളം നിന്ന എല്ലാ സ്‌കൂളുകളുടേയും ഫിറ്റ്‌നസ് സര്‍ട്ടിഫിക്കറ്റ് പിഡബ്ല്യുഡി കെട്ടിട വിഭാഗം പരിശോധിച്ച് സ്‌കൂള്‍ തുറക്കുന്നതിന് മുന്പ് നല്‍കണമെന്ന് ജില്ലാ കളക്ടര്‍ നിര്‍ദേശിച്ചു. 29നു സ്‌കൂള്‍ തുറക്കണമെന്ന മുഖ്യമന്ത്രിയുടെ നിര്‍ദേശപ്രകാരമാണ് കാര്യങ്ങള്‍ മുന്നോട്ടു പോകുന്നത്.

എന്നാല്‍ ചിലയിടങ്ങളിലെങ്കിലും ഇതിനു സാധിക്കാതെ വരുമെന്ന് ജില്ലാ ഭരണകൂടം സര്‍ക്കാരിനെ അറിയിച്ചിട്ടുണ്ട്. ഇതു കൂടുതലും ബാധിക്കുക കുട്ടനാട്ടുകാരേയായിരിക്കും. ഇതിനുള്ള ബദല്‍ സംവിധാനം ജില്ല ഭരണകൂടത്തിന്റെ നേതൃത്വത്തില്‍ നടത്താന്‍ നടപടികള്‍ ആരംഭിച്ചിട്ടുണ്ട്.