ഫെയ്‌സ്ബുക്കില്‍ പരിചയപ്പെട്ട ശേഷം സൗഹൃദം ആഴത്തിലായതിനെ തുടര്‍ന്നാണ് യുവാവ് യുവതിയില്‍നിന്ന് നഗ്നഫോട്ടോ കൈക്കലാക്കിയത്. വീട്ടുകാരുടെ പരാതി കിട്ടി കേസ് രജിസ്റ്റര്‍ചെയ്ത ആദ്യദിവസം തന്നെ പ്രതിയെ പിടികൂടാന്‍ പോലീസിനു കഴിഞ്ഞു. യുവാവ് ഫോട്ടോ മറ്റാര്‍ക്കെങ്കിലും കൈമാറിയിട്ടുണ്ടോ എന്ന അന്വേഷണത്തിലാണ് അന്വേഷണ സംഘം. ഫോട്ടോ പരസ്യപ്പെടുത്തുമെന്നും കുടുംബാംഗങ്ങള്‍ക്ക് അയച്ചുകൊടുക്കുമെന്നും ഭീഷണിപ്പെടുത്തി.

ഇതോടെ യുവാവ് ആവശ്യപ്പെട്ട 15,000 യുവതി നല്‍കി. ബാങ്ക് അക്കൗണ്ട് വഴിയായിരുന്നു പണം കൈമാറിയത്. വീണ്ടും പണം ചോദിക്കാന്‍ തുടങ്ങിയതോടെ യുവതി വീട്ടുകാരെ വിവരം അറിയിക്കുകയായിരുന്നു. പണംതട്ടിയ കൊല്ലം ആദിനാട് പടന്നയില്‍ പ്രശാന്ത് എന്ന 20 കാരനെ പോലീസ് പൊക്കി. വീണ്ടും പണം ആവശ്യപ്പെടുകയും നാട്ടിലുള്ള ചിലര്‍ക്ക് ഫോട്ടോ അയച്ചുകൊടുക്കുകയും ചെയ്തതോടെ കുടുംബം പോലീസില്‍ പരാതിപ്പെടുകയായിരുന്നു.

തുടര്‍ന്ന് വീട്ടുകാര്‍ നല്‍കിയ പരാതിയില്‍ അക്കൗണ്ട് വിവരങ്ങള്‍ ശേഖരിച്ച പോലീസ് വീട്ടിലെത്തി പ്രശാന്തിനെ പിടികൂടി. യുവാവിന്റെ മൊബൈല്‍ഫോണ്‍ കസ്റ്റഡിയിലെടുത്തു. ഫോണില്‍നിന്ന് യുവതിയുടെ നഗ്നഫോട്ടോ കണ്ടെടുത്തിട്ടുണ്ട്.