ടോയ്ലറ്റാണെന്ന് കരുതി വിമാനത്തിന്റെ വാതില് തുറക്കാന് ശ്രമിച്ച യുവാവ് അറസ്റ്റില്
ദില്ലിയില് നിന്നും പട്നയിലേക്ക് പോവുകയായിരുന്ന ഗോ എയറിന്റെ വിമാനത്തിലാണ് രസകരവും എല്ലാല് ആശങ്ക ഉണര്ത്തുന്നതുമായ സംഭവം അരങ്ങേറിയത്. ടോയ്ലറ്റാണെന്ന് കരുതി വിമാനത്തിന്റെ വാതില് തുറക്കാന് ശ്രമിച്ച യുവാവ് പൊലീസ് കസ്റ്റഡിയില്. വിമാനത്തിലെ യാത്രക്കാരനും പാട്ന സ്വദേശിയുമായ യുവാവാണ് വിമാനത്തിന്റെ വാതില് തുറക്കാന് ശ്രമിച്ച് പുലിവാല് പിടിച്ചത്. ദില്ലിയില് നിന്നും പട്നയിലേക്ക് പോവുകയായിരുന്ന ഗോ എയറിന്റെ വിമാനത്തിലാണ് സംഭവം.
വിമാനത്തിന്റെ പിന്ഭാഗത്തുള്ള വാതിലാണ് ഇയാള് തുറക്കാന് ശ്രമിച്ചത്. ഇത് ശ്രദ്ധയില് പെട്ട വിമാനത്തിലെ മറ്റ് യാത്രക്കാര് ഒച്ച വച്ചതോടെയാണ് വിഷയം ജീവനക്കാരുടെ ശ്രദ്ധയില് പെട്ടത്. ഏറെ നേരത്തെ ബലപ്രയോഗത്തിന് ശേഷമാണ് ഇയാള് ജീവനക്കാരോട് സഹകരിച്ചത്. തുടര്ന്ന് മറ്റ് യാത്രക്കാരുടെ കൂടെ സഹായത്തോടെ ഇയാളെ സീറ്റില് പിടിച്ചിരുത്തി.
പട്നയിലെത്തിയ ഉടനെ തന്നെ ഇയാളെ സിഐഎസ്എഫിന് കൈമാറി. ആദ്യമായി വിമാനത്തില് സഞ്ചരിക്കുന്നതിനിടിയില് സംഭവിച്ച അബദ്ധമെന്നാണ് യുവാവ് പറയുന്നത്. ഇയാളെ പിന്നീട് ജാമ്യത്തില് വിട്ടു. സഞ്ചരിക്കുന്ന വിമാനത്തിന്റെ വാതില് ക്യാബിനുള്ളിലെ മര്ദ്ദം കാരണം തുറക്കാന് സാധിക്കില്ലെന്ന് വിദഗ്ധര് വ്യക്തമാക്കി.
https://www.facebook.com/Malayalivartha
