ഫ്രാങ്കോ മുളയ്ക്കലിനെതിരെ പീഡന പരാതി ഉയര്ത്തിയ കന്യാസ്ത്രീയെ വേശ്യയെന്ന് അധിക്ഷേപിച്ചു ; പിസി ജോര്ജിനെതിരെ കന്യാസ്ത്രീ കോട്ടയം ജില്ലാ പൊലീസ് മേധാവിയ്ക്ക് പരാതി നല്കി
ജലന്ധര് ബിഷപ്പ് ഫ്രാങ്കോ മുളയ്ക്കലിനെതിരെ പീഡന പരാതി ഉയര്ത്തിയ കന്യാസ്ത്രീ പിസി ജോര്ജിനെതിരെ പൊലീസില് പരാതി നല്കി. പത്രസമ്മേളനത്തില് വേശ്യയെന്ന് വിളിച്ച് അധിക്ഷേപിച്ചതിനാണ് പരാതി നല്കിയത്.
പീഡന പരാതി വാര്ത്തയായതോടെയാണ് പരാതി നല്കിയ കന്യാസ്ത്രീയെ വേശ്യയെന്ന് വിളിച്ച് പത്രസമ്മേളനത്തിനിടെ പിസി ജോര്ജ് അധിക്ഷേപിച്ചത്. കോട്ടയം ജില്ലാ പൊലീസ് മേധവി ഹരി ശങ്കറിനാണ് കന്യാസ്ത്രീ പരാതി നല്കിയത്. പരാതി ബിഷപ്പിനെതിരായ കേസ് അന്വേഷിക്കുന്ന വൈക്കം ഡിവൈഎസ്പിക്ക് കൈമാറി.
ഫ്രാങ്കോ മുളക്കലിനെതിനെതിരെ പരാതി നല്കിയ കന്യാസ്ത്രീയെ വേശ്യയെന്ന് വിളിക്കാതിരിക്കാനാകില്ലെന്ന് പറഞ്ഞാണ് പിസി ജോര്ജ് കന്യാസ്ത്രീയെ അധിക്ഷേപിച്ചത്.
പിസി ജോര്ജിന്റെ വാക്കുകള് ഇങ്ങനെ.....
‘കന്യാസ്ത്രീ പ്രോസ്റ്റിറ്റ്യൂട്ടാണെന്നതില് എന്താണ് സംശയം . 13 തവണ പീഡിപ്പിച്ചെന്നാണ് കന്യാസ്ത്രീ ആരോപിക്കുന്നത്. എന്തു കൊണ്ടാണ് ആദ്യ തവണ പീഡിപ്പിച്ചപ്പോള് തന്നെ കന്യാസ്ത്രീ പരാതി നല്കാതിരുന്നത്. കന്യാസ്ത്രി എന്നു പറഞ്ഞാല് കന്യകാത്വം നഷ്ടപ്പെടാത്ത സ്ത്രീയാണ്. കന്യകാത്വം നഷ്ടപ്പെട്ടാല് അവര് കന്യാസ്ത്രിയല്ലെന്നും പി സി ജോര്ജ് പറഞ്ഞിരുന്നു. കോട്ടയത്ത് മാധ്യമപ്രവര്ത്തകരോട് സംസാരിക്കവെയാണ് പിസി ജോര്ജ് നിലപാട് വ്യക്തമാക്കിയത്.
https://www.facebook.com/Malayalivartha