ബിഷപ്പ് ഫ്രാങ്കോ മുളയ്ക്കലിന്റെ എര്ത്തായിരുന്ന ഫാദര്.എര്ത്തയിലിനെ വലയിലാക്കാന് ക്രൈംബ്രാഞ്ച് വലവിരിച്ചു, കന്യാസ്ത്രീകളെ സ്വാധീനിച്ച് പരാതി പിന്വലിപ്പിക്കാനും വഴങ്ങാതിരുന്നപ്പോള് ഭീഷണിപ്പെടുത്തുകയും ചെയ്ത എര്ത്തയില് പാതിരി ഇപ്പോള് ഇടുക്കിയിലാണ്
ബിഷപ്പ് ഫ്രാങ്കോമുളയ്ക്കല് അഴിക്കുള്ളിലായതിന് പിന്നാലെ മിഷനറീസ് ഓഫ് ജീസസ് വീണ്ടും പ്രതിസന്ധിയില്. കന്യാസ്ത്രീ ബിഷപ്പിനെതിരെ നല്കിയ പരാതി സ്വാധീനിച്ച് പിന്വലിപ്പിക്കാന് ശ്രമിച്ച ഫാദര് എര്ത്തയിലിനെ അറസ്റ്റ് ചെയ്യാന് ക്രൈംബ്രാഞ്ച് നീക്കം തുടങ്ങി. മുമ്പ് ഇതേ കേസില് എര്ത്തയില് പാലാ ഫസ്റ്റ് ക്ലാസ് ജുഡീഷ്യല് മജിസ്ട്രേറ്റ് കോടതിയില് കീഴടങ്ങിയിരുന്നു. അന്ന് ജാമ്യം നല്കി വിട്ടയച്ചിരുന്നു. പരാതിക്കാരിയായ കന്യാസ്ത്രീയെ പിന്തുണയ്ക്കുകയും ഫ്രാങ്കോയെ അറസ്റ്റ് ചെയ്യണമെന്ന് ആവശ്യപ്പെട്ട് നടത്തിയ സമരത്തിന് നേതൃത്വം കൊടുക്കുകയും ചെയ്ത സിസ്റ്റര് അനുപമയെ സ്വാധീനിക്കാന് ഫാദര് ജെയിംസ് എര്ത്തയില് ശ്രമിച്ചതിന്റെ ഫോണ് സംഭാഷണങ്ങള് മുമ്പ് പുറത്തു വന്നിരുന്നു.
പരാതി പിന്വലിച്ചാല് ജലന്ദര് രൂപത അധികൃതര് സഹായിക്കുമെന്ന് എര്ത്തയില് സിസ്റ്റര് അനുപമയെ അറിയിച്ചിരുന്നു. പരാതിക്കാരിക്കും ഒപ്പമുള്ള സിസ്റ്റര് അനുപമ, ആല്ഫി തുടങ്ങി അഞ്ച് സന്യാസിനിമാര്ക്ക് കാഞ്ഞിരപ്പള്ളി രൂപതയ്ക്ക് കീഴിലുള്ള എരുമേലിയിലോ റാന്നിയിലോ പുതിയ മഠം തുടങ്ങാനുള്ള എല്ലാ സഹായവും നല്കാമെന്നും അറിയിച്ചു. കന്യാസ്ത്രീയും ഒപ്പമുള്ള സിസ്റ്റര്മാരും നിലപാടില് ഉറച്ചുനിന്നതോടെ വലിയ അപകടം സംഭവിക്കുമെന്ന ഭീഷണിയും ഫോണിലൂടെ മുഴക്കി. ഇതേ തുടര്ന്ന് മരണഭയം ഉളവാക്കുന്ന ഭീഷണിപ്പെടുത്തല്, പാരിതോഷികം വാഗ്ദാനം ചെയ്ത് സ്വാധീനിക്കാന് ശ്രമിക്കല് എന്നീ കുറ്റങ്ങളാണ് എര്ത്തയിലിനെതിരേ ചുമത്തിയിരുന്നത്.
സിസ്റ്റര് അനുപമയുമായി എര്ത്തയില് സംസാരിച്ചതിന്റെ ഫോണ് സംഭാഷണങ്ങള് പുറത്ത് വന്നതിന് പിന്നാലെ സിഎംഐ സഭ അദ്ദേഹത്തിനെതിരെ നടപടി എടുത്തിരുന്നു. കുര്യനാട് ആശ്രമത്തിന്റെ ചുമതലയില് എര്ത്തയിലിനെ മാറ്റുകയും സിഎംഐ സഭയുടെ ഇടുക്കിയിലെ സ്ഥാപനത്തിന്റെ ചുമതല നല്കുകയും ചെയ്തു. വിശദീകരണം നല്കാനും സഭ ആവശ്യപ്പെട്ടിരുന്നു. എര്ത്തയിലിന്റെ സഹോദരന് തോമസ് കുറവിലങ്ങാട് മഠത്തിലെ ജീവനക്കാരനെ സ്വാധീനിച്ച് സിസ്റ്റര് അനുപമയെ അടക്കം അപായപ്പെടുത്താന് ശ്രമിച്ചിരുന്നു. സിസ്റ്റര്മാര് ഉപയോഗിക്കുന്ന സ്കൂട്ടറിന്റെ ബാല്റ്റിയൂബ് ഊരി വിടുകയോ, ബ്രേക്ക് മുറിക്കുകയോ ചെയ്യണമെന്നാണ് തോമസ് ജോലിക്കാരന് നിര്ദ്ദേശം നല്കിയത്. അയാല് കന്യാസ്ത്രികളെ വിവരം അറിയിച്ചതോടെ അവര് പൊലീസില് പരാതി നല്കിയിരുന്നു.
https://www.facebook.com/Malayalivartha
