നീതിന്യായ വ്യവസ്ഥയുടെ പരമപ്രധാനമായ ലക്ഷ്യം രാജ്യത്തിന്റെ മതേതരത്വം സംരക്ഷിക്കുക എന്നുള്ളതാണ്, സായുധ സേനകളില്‍ രാഷ്ട്രീയംകലര്‍ത്താന്‍ പാടില്ലെന്ന് മുന്‍പ്രധാനമന്ത്രി മന്‍മോഹന്‍ സിങ്. സര്‍ക്കാര്‍ ഇതില്‍ ആരുടെയും സ്ഥാപിത താല്‍പര്യങ്ങള്‍ കലരുന്നില്ലെന്ന് ഉറപ്പുവരുത്തണമെന്നും അദ്ദേഹം പറഞ്ഞു. എ ബി ബര്‍ധന്‍ അനുസ്മരണ വേദിയില്‍ സംസാരിക്കവെയാണ് മൻമോഹൻ സിങ് ഇക്കാര്യം വ്യക്തമാക്കിയത്.

ഭരണഘടനയുടെ മൂല്യം മുറുകെ പിടിച്ച് സ്വാര്‍ത്ഥ താല്‍പര്യങ്ങളോടെ മതവിദ്വേഷം പ്രചരിപ്പിക്കുന്ന രാഷ്ട്രീയക്കാരെ കണക്കിലെടുക്കാതെ തീരുമാനങ്ങളെടുക്കണമെന്നും രാഷ്ട്രത്തെ നയിക്കാനുള്ള സാരഥികളെ തിരഞ്ഞെടുക്കുന്ന പ്രക്രിയയില്‍ യാതോരു വിധത്തിലുമുള്ള മതവികാരങ്ങളും പ്രവര്‍ത്തിക്കുന്നില്ലെന്ന് ഉറപ്പുവരുത്തേണ്ടത് തിരഞ്ഞെടുപ്പ് കമ്മീഷന്റെ ഉത്തരവാദിത്വമാണെന്ന് അദ്ദേഹം പറഞ്ഞു.