ഡ്രൈവറിന് പരിക്ക് കുറയാന്‍ കാരണം പിന്നിലിരുന്നതാണെന്ന് വ്യക്തമായി യുവാവ് . അപകടസമയം ബാലഭാസ്‌ക്കറാണ് വണ്ടി ഓടിച്ചിരുന്നതെന്ന് ദൃക്‌സാക്ഷി പറയുന്നു. ഭാര്യയും മകളും മുന്‍സീറ്റിലിരുന്നത് കുഞ്ഞിനെ നഷ്ടപ്പെടാന്‍ ഇടയാക്കി.

ഡ്രൈവര്‍ അര്‍ജ്ജുന്‍ പിന്‍സീറ്റില്‍ കിടന്നുറങ്ങുകയായിരുന്നുവെന്നും നന്ദു എന്ന പ്രവീണ്‍ പറയുന്നു. അര്‍ജ്ജുന് ഉറക്കം വന്നപ്പോള്‍ ബാലഭാസ്‌ക്കര്‍ വണ്ടി ഓടിക്കുകയായിരുന്നുവെന്നാണ് മനസ്സിലാകുന്നത്. ഇന്നോവ വലിയ വേഗത്തില്‍ ആയിരുന്നില്ല. അവസാന നിമിഷം ആക്സിലേറ്ററില്‍ അറിയാതെ കാല്‍ വെച്ച് പോയതാകാം അപകടത്തിന് കാരണം.

വലിയ ശബ്ദം കേട്ട് ഞങ്ങള്‍ വണ്ടി നിര്‍ത്തിയപ്പോള്‍ പുക മാത്രമാണ് കണ്ടത്. നന്ദുവിന്റെ വാഹനത്തിന്റെ ഹെഡ്ലൈറ്റ് പ്രകാശത്തിലാണ് രക്ഷാപ്രവര്‍ത്തനം നടത്തിയത്. ഡാഷ്ബോര്‍ഡില്‍ ചെന്ന് വീണ മകള്‍ തേജസ്വിയുടെ മൂക്കില്‍ നിന്നും രക്തം ഒഴുകിയിരുന്നു. ആശുപത്രിയിലെത്തിച്ചെങ്കിലും കുട്ടി മരിച്ചു. പിന്നീട് ഹൈവേ പോലീസിന്റെ സഹായത്തോടെയാണ് മറ്റ് മൂന്നു പേരെയും ആശുപത്രിയിലെത്തിച്ചത്.

ബാലഭാസ്‌ക്കറിന്റെ വാഹനത്തിന് തൊട്ടു മുന്നിലായി മറ്റൊരു വാഹനത്തില്‍ യാത്ര ചെയ്തിരുന്ന ആളാണ് നന്ദു. ഒന്നരാഴ്ച മുന്‍പാണ് അര്‍ജ്ജുന്‍ ബാലഭാസ്‌ക്കറിന്റെ ഡ്രൈവറായത്. ഇവരുടെ ആദ്യ ദീര്‍ഘദൂര യാത്രയായിരുന്നു ഇത്. ബാലഭാസ്‌ക്കര്‍ ഇപ്പോഴും അബോധാവസ്ഥയിലാണ്. ശ്വാസകോശം, അടിവയര്‍, നെഞ്ച് എന്നിവിടങ്ങളില്‍ ഗുരുതര പരുക്കുണ്ട്

ബോധം തെളിഞ്ഞതിനുശേഷമേ മറ്റ് ശസ്ത്രക്രിയകളെക്കുറിച്ച് തീരുമാനിക്കൂ..ഡ്രൈവര്‍ അര്‍ജ്ജുന്‍ തീവ്രപരിചരണ വിഭാഗത്തില്‍ ചികിത്സയിലാണ്. ഇന്നലെ രാത്രി ലക്ഷമിയ്ക്ക് ബോധം തെളിഞ്ഞു.