കൊച്ചിയിലെ ചുബംന വിവാദങ്ങള്‍ കെട്ടടങ്ങി തുടങ്ങിയപ്പോള്‍ അങ്ങ് ഹൈദരാബാദില്‍ നിന്ന് മറ്റൊരു വിവാദത്തിനു തിരികൊളുത്തിയിട്ടുണ്ട്. മലയാളി നടിയുടെ നേതൃത്വത്തില്‍ നടത്തിയ ചുംബന പ്രതിഷേധം പോലീസ് കേസായെന്നാണ് പുതിയ വാര്‍ത്ത. കൊച്ചി മറൈന്‍ ഡ്രൈവില്‍ നടന്ന ചുംബന സമരത്തിന് പിന്തുണ പ്രഖ്യാപിച്ചാണ് നടിയും സംഘവും ചുംബിച്ച് തകര്‍ത്തത്. ചുംബന ചിത്രങ്ങള്‍ വാട്‌സ് ആപില്‍ സൂപ്പര്‍ഹിറ്റായി ഒടുകയാണ്.
മോഹന്‍ലാല്‍ നായകനായ സ്‌നേഹവീട് എന്ന സിനിമയില്‍ റോസ് എന്ന കഥാപാത്രത്തെ അവതരിപ്പിച്ച് ശ്രദ്ധേയയായ നടി ബി. അരുന്ധതിയുടേതെന്ന് പറഞ്ഞ് പുറത്തുവന്ന ചിത്രമാണ് വാട്‌സ് ആപ്പിലും മറ്റും പ്രചരിക്കുന്നത്. സമരം നടത്തിയ അരുന്ധതിക്കും സഹൃത്തക്കള്‍ക്കുമെതിരേ ആന്ധ്ര പോലീസ് കേസ് രജിസ്റ്റര്‍ ചെയ്തതായും റിപ്പോര്‍ട്ടുകളുണ്ട്. ഹൈദരാബാദ് സെന്‍ട്രല്‍ യൂണിവേഴ്‌സിറ്റി വിദ്യാര്‍ഥിനിയായ അരുന്ധതിയുടെയും മലയാളി വിദ്യാര്‍ഥികളുടെയും നേതൃത്വത്തിലായിരുന്നു സമരം സംഘടിപ്പിച്ചത്. സമരത്തിനിടെ പലരുമായി അരുന്ധതി ചുംബനത്തില്‍ ഏര്‍പ്പെടുന്ന ചിത്രങ്ങളാണ് സോഷ്യല്‍ മീഡിയയില്‍ വൈറലാകുന്നത്.
ഏഷ്യനെറ്റിലെ അവതാരകയായിരുന്നു അരുന്ധതി. ഉപരിപഠനത്തിനായാണ് നടി ഹൈദരാബാദിലേക്ക് പോയത്. കേരള സര്‍വകലാശാല ബി.എ. പൊളിറ്റിക്കല്‍ സയന്‍സില്‍ ഒന്നാം റാങ്ക് അരുന്ധതിക്കായിരുന്നു. പ്ലസ്ടു പരീക്ഷയിലും മുഴുവന്‍ മാര്‍ക്ക് നേടിയിരുന്നു. ബി.എ. പരീക്ഷയില്‍ എ ഗ്രേഡ് നേടിയ ഏക വിദ്യാര്‍ഥിനിയും അരുന്ധതി മാത്രമാണ്. തിരുവനന്തപുരം യൂണിവേഴ്‌സിറ്റി കോളേജിലെ വിദ്യാര്‍ഥിനിയായിരുന്നു.കലോത്സവങ്ങളിലും മിന്നും താരമായിരുന്നു അരുന്ധതി.
കേരളത്തിലെ സദാചാര പോലീസിനെതിരേ കൊച്ചി മറൈന്‍ ഡ്രൈവില്‍ നടത്തിയ സമരത്തിന് ഐക്യദാര്‍ഢ്യം പ്രഖ്യാപിക്കാന്‍ വേണ്ടിയാണ് യൂണിവേഴ്‌സിറ്റിയിലെ ഒരു കൂട്ടം വിദ്യാര്‍ഥികള്‍ അരുന്ധതിയുടെ നേതൃത്വത്തില്‍ പ്രതിഷേധം സംഘടിപ്പിച്ചത്. ചുംബനം അടയാളപ്പെടുത്താനെന്നവണ്ണം കടുംചുവപ്പു നിറത്തിലുള്ള ലിപ്സ്റ്റിക്കുകള്‍ പരസ്പരം തേച്ച് സമരത്തോട് ഐക്യദാര്‍ഢ്യം പ്രഖ്യാപിച്ചിരുന്നു. അരുന്ധതിയുടെ ചിത്രങ്ങളില്‍ അവരുടെ മുഖത്ത് ചുവപ്പു ചായം പടര്‍ന്നിരിക്കുന്നത് വ്യക്തമായി കാണാം. പൊതുസ്ഥലത്ത് അശ്ലീലപ്രവൃത്തി ചെയ്‌തെന്ന് ആരോപിച്ചാണ് പോലീസ് സമരക്കാര്‍ക്കെതിരെ കേസെടുത്തത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha