ആര്.എസ്.എസിന്റെ ഭീഷണിയുള്ളതിനാല് കനകദുര്ഗയ്ക്കും ബിന്ദുവിനും മുഴുവന് സുരക്ഷയൊരുക്കണമെന്ന് സുപ്രീംകോടതി നിര്ദ്ദേശിച്ചു, ഇരുവരുടെയും അഭിഭാഷകയായ ഇന്ദിരാ ജെയ്സിംഗ് ചീഫ് ജസ്റ്റിസ് രഞ്ജന് ഗോഗോയിയോട് ആവശ്യപ്പെട്ട പ്രകാരമാണ് അടിയന്തരമായി ഹര്ജി തീര്പ്പാക്കിയത്
ശബരിമല ദര്ശനത്തിന് പിന്നാലെ ഭര്തൃമാതാവിനെ തല്ലിയ കനകദുര്ഗയും സുഹൃത്തും പ്രൊഫസറുമായ ബിന്ദുവും ജീവന് ഭീഷണിയുള്ളഥിനാല് സുരക്ഷ നല്കണമെന്ന് സുപ്രീംകോടതി. ജീവന് ഭീഷണിയുണ്ടെന്ന് കാട്ടി ഇരുവരും നല്കിയ ഹര്ജിയിലാണ് നിര്ദ്ദേശം. ഹര്ജി അടിയന്തരമായി പരിഗണിക്കണമെന്ന് ഇരുവരുടെയും അഭിഭാഷകയായ ഇന്ദിരാ ജെയ്സിംഗ് ചീഫ് ജസ്റ്റിസ് രഞ്ജന് ഗോഗോയിയോട് ആവശ്യപ്പെടുകയായിരുന്നു. മുഴുവന് സമയ സുരക്ഷ നല്കണമെന്ന് സംസ്ഥാന സര്ക്കാരിനാണ് കോടതി നിര്ദ്ദേശം നല്കിയത്. ഇരുവരും ദര്ശനത്തിന് പിന്നാലെ തന്ത്രി കണ്ഠരര് രാജീവരര് ശുദ്ധിക്രീയ നടത്തിയത് തങ്ങളെ അപമാനിക്കുന്നതിന് തുല്യമാണെന്ന് ഹര്ജിയില് ആരോപിച്ചിരുന്നു.
എന്നാല് ശുദ്ധിക്രീയ ഉള്പ്പെടെയുള്ള കാര്യങ്ങള് തല്ക്കാലം പരിഗണിക്കേണ്ടതില്ലെന്ന് കോടതി പറഞ്ഞു. സുരക്ഷ ഒഴിയകെയുള്ള കാര്യങ്ങള് മാറ്റിവച്ചിട്ടില്ലെന്ന് ഇരുവരുടെയും അഭിഭാഷക ഇന്ദിരാ ജയിസിംഗ് പറഞ്ഞു. അതിനാല് റിട്ട് ഹര്ജികളും റിവ്യൂ ഹര്ജികളും പരിഗണിക്കുമ്പോള് ശുദ്ധിക്രീയ സംബന്ധിച്ച കാര്യം പരിഗണിക്കുമോ എന്ന് കോടതി ഉത്തരവ് കിട്ടിയാലെ വ്യക്തമാവൂ. കനകദുര്ഗയേയും ബിന്ദുവിനേയും പലതവണ ആര്.എസ്.എസ് പ്രവര്ത്തകര് ആക്രമിക്കാന് ശ്രമിച്ചിരുന്നെന്നും അഭിഭാഷക ചൂണ്ടിക്കാട്ടി. ശബരിമല നട അടയ്ക്കാന് പോകുന്നതിനാല് ശുദ്ധിക്രീയ അടക്കമുള്ള കാര്യങ്ങള് പരിഗണിക്കേണ്ടതില്ലെന്ന് ദേവസ്വം ബോര്ഡും വ്യക്തമാക്കി.
അയ്യപ്പഭക്തരുടെ ഭീഷണി നിലനില്ക്കുന്നതിനാല് ഇരുവരും പൊലീസ് സംരക്ഷണത്തിലാണ് തുടര്ന്നിരുന്നത്. എന്നാല് മുഴുവന്സമയ സുരക്ഷ ഒരുക്കണമെന്ന് ഇരുവരും ആവശ്യപ്പെടുകയായിരുന്നു. സുരക്ഷാഭീഷണി കാരണം ദര്ശനത്തിനെത്തിയ രണ്ട് യുവതികള്ക്ക് ദര്ശനം നടത്താനാവാതെ കഴിഞ്ഞ ദിവസം മടങ്ങേണ്ടി വന്നു എന്ന കാര്യവും ഇരുവരും കോടതിയില് ചൂണ്ടിക്കാട്ടിയിരുന്നു. ദര്ശനം നടത്തിയ കനകദുര്ഗ വീട്ടിലെത്തിയപ്പോള് ഭര്തൃമാതാവുമായി വഴക്കുണ്ടാക്കിയിരുന്നു. സംഭവത്തില് ഇരുവര്ക്കും പരിക്കേറ്റിരുന്നു. ആശുപത്രിയില് ചികിത്സതേടിയതോടെ തനിക്ക്് ഭീഷണി വര്ദ്ധിച്ചെന്ന് കനകദുര്ഗ അറിയിക്കുകയായിരുന്നു.
ഇരുവരും ദര്ശനം നടത്തിയതിന് പിന്നാലെ വീടുകള്ക്ക് മുന്നില് ബി.ജെ.പിക്കാര് നാമജപം നടത്തിയിരുന്നു. പ്രൊഫസര് ബിന്ദു പഠിപ്പിക്കുന്ന കോളജിലേക്ക് ശബരിമല കര്മസമിതി പ്രതിഷേധം സംഘടിപ്പിക്കാന് തീരുമാനിച്ചിരുന്നതെങ്കിലും പ്രവര്ത്തകരില്ലാത്തതിനാല് മാറ്റിവെച്ചിരുന്നു. ദര്ശനത്തിന് ശേഷം ഇരുവരും പൊലീസിന്റെ സുരക്ഷാ താവളത്തില് ഒളിവിലായിരുന്നു. പിന്നീടാണ് വീട്ടിലേക്ക് പോയത്. പൊലീസിന്റെ ലിസ്റ്റ് പ്രകാരം ദര്ശനം നടത്തിയ 34ാമത്തെ യുവതിയാണ് കനകദുര്ഗ.
https://www.facebook.com/Malayalivartha
